PDFa ikusi - Nora aldizkaria

2
HONDARRIBIA
kresalezko ederra
Kontraste herria da Hondarribia. Gaztelako errege batek
eman zion hiribildu forua, baina Nafarroaren independentziaren
azken gotorlekua izan zen. Nafar kutsua dario
bere euskarari, baina Gipuzkoako herri honetako karriketan,
behiala, gaskoia sarri entzun zen. Arrantzale izaerari eusten dion
bikingoen herria udatiar aberatsen opor-leku ere bada.
Horregatik, herri honekin gozatzeko hamaika aukera daudela
jakinda, onena kontraste horietan murgiltzea izan daiteke. Hiri
zaharrean San Nikolas edo Santa Maria ateetatik sartu, kalerik kale
alderrai ibili, etxe estu eta garai horien arkitektura ederraz gozatu,
noizean behingo jauregi dotoreei erreparatu, Erdi Aroko arrastoei
kasu egin –Palencia etxea, harresi zatia…- eta Gipuzkoa plaza, Arma
plaza, Karlos V.aren jauregia eta eliza patxadaz bisitatu. Ez ahaztu
hamaika setiori eutsi dion hiri gotortuan gaudela. Beraz, merezi
du XVI. mendeko harresiak ezagutzea, hala kanpotik tik –paseo paseo
zoragarria- nola barrutik, azken urteotan zaharberritutako
Erreginaren bastioia kasu.
Eta, ondoren, marinel giroan busti beharko dugu:
Portua auzora hurbildu, ontzietako margoz koloreztatutako
etxe apainen artean ibili, porturaino paseoa
egin, arrain-lonjako joan-etorriak ikusi… eta, jakina,
Portua auzoan nahiz alde zaharrean, mokadutxo bat
jan. New York Timesen bertan laudatu dituzte Hondarribiako
pintxoak. Hobe dugu geuk jatea amerikar
horiek dena arpilatu aurretik…
HONDARRIBIA
TURISMO BULEGOA: Arma plaza, 9. Tel: (34) 943 643 677 / (34) 943 645
458. Informazioa, bisita gidatuak eta interpretazio gunea. Polborina etxea
ere interpretazio zentroa da. www.hondarribia.org
Hondarribitik bereizi zen Pasai Donibane 1770ean.
Guretzat nahikoa aparte daude bata eta bestea, Jaizkibelgo
bizkar gorria harresi naturala da eta. Soildurik
ikusten dugun arren, natur eremu paregabea dugu Jaizkibel, bere
itsaslabar higatuei, bere irlandar erako kala bakartiei eta berehala
itsasoratzen diren errekastoei esker. Talaia bideari segika, oinez
egin daiteke Hondarribitik Pasai Donibanera artekoa.
Donibanen erraz irudikatuko dugu antzinako marinelen
harridura, txalupetatik tiratutako ontzi handietan Jaizkibel eta
Hondarribia.
Uliako mendien arteko igarobide meharretik fiordo barrenera
sartzean. Are gehiago zurtuko ziren ur gaineko etxe dotore
haiek ikusita: Santiago plaza ontziralekua, udaletxe zaharra,
Victor Hugo etxea eta beste hamaika eraikin panpox. Behin
lehorrean, kale bakarrean gora eta behera ibiliko ziren, gaur
guk egiten dugun modura, jatetxe eta tabernen bila. Kale
bakarra izan arren, hamaika zokondo, arku eta kantoien artean
sakabanatzen da. Pasaiarekin maitemindu zen Victor Hugoren
omenezko museoa, ordea, erraz aurkituko dugu.
Donibanera heltzeko modurik egokiena San Pedron txalupa
hartu eta itsasartea zeharkatzea da: horrela konturatuko gara
Donibane uretatik ikusteko eraiki zutela, Bizkaiko Golkoko
Venetzia apal baten gisara. San Pedron ontziratuz gero, ez galdu
Albaola elkartearen ontziola tradizionala (Ondartxo).
hondartza amaigabea
JAIZKIBEL ETA
3ZARAUTZ
PASAI DONIBANE
fiordoaren ertzetik
JAIZKIBEL ETA PASAI DONIBANE
TURISMO BULEGOA: Victor Hugo etxea. Donibane 63. Tel: (34) 943 341 556.
www.pasaia.net
ONDARTXO: Ondartxo 1. Tel: (34) 943 392 426. www.albaola.com
Narros jauregiaren errua izan bide zen. Alde batetik,
Zarautz herria sortu aurretik euren leinua, Zarautz
deitura, ba omen zelako. Horrela aldarrikatu dute,
azken laurehun urteotan, jauregiaren aurrealdeko armarritik:
'Zarautz baino lehen, Zarautz'. Bestetik, herria sortu eta dezente
geroago, Narros etxera gonbidatu zituzten XIX. mendeko
Espainiako Gorteko pertsonaia nagusiak, Isabel II erregina
buru. Haiek jarri zuten modan Zarauzko uda.
Beharbada, logikoena zen. Narros jauregi dotorea ezkerretik
zaintzen duen hondartzaren luzeak (2,5 km) opor-leku izatera
bideratu behar zuen, nahitaez, Zarautz zahar hura. Denborak
aurrera egin ahala, surfa, itsas pasealekua, jatetxeak eta golfa
heldu ziren. Hondartzaren ezker aldea lehenengo, erdialdea
geroago, turisten gozagarri bilakatu ziren. Eskuinaldean, ostera,
pixkanaka suspertzen
ari den Iñurritzako
biotopo babestua
dago, bere duna,
padura eta ibai bokale txikiarekin.
Herria handitu den arren, ez dio historiari bizkarrik
eman. XIX. mendera arte porturik eduki ez zuten arren,
baleatan nabarmendu ziren zarauztarrak eta horregatik
dago animalia hori herriko armarrian. Azura kaletik goazela
ateburu batean ikusiko dugu. Eta behin alde zaharreko
kaleetan barrena, erreparatu Portu eta Makatza etxeei,
Torre Luzea dorretxeari, Santa Klara eta frantziskotarren
komentuei eta, batez ere, herriko elizari: eliza dotore hori,
egin kontu, tenpluaz gain, Zarautz leinuaren dorretxea eta
Burdin Aroko aztarnategia ere bada.
ZARAUTZ
TURISMO BULEGOA: Nafarroa Kalea 3. Tel: (34) 943 830 990.
www.turismozarautz.com
8 9
4
PASAI DONIBANEK FIORDOAREN AHOA ZAINTZEN DU, JAIZKIBELGO BIZKARRAREN BABESEAN.
Ontzi tradizionala Pasaian.