PDFa ikusi - Nora aldizkaria

16
16
ARALAR
Txindokiren itzalpean
Aralarko natur parkean eta, oro har, Gipuzkoako paisaian,
berehala nabarmentzen da Txindoki edo
Larrunarri mendiaren profil zorrotza.
Itzal handiko gailur horretarako bidean,
Amezketa edo Larraitz bezalako leku
esanguratsuak azalduko zaizkigu.
Amezketara hurbilduz gero, adibidez,
hildakoen omenez pizten diren
argizaiolen ohiturak emango digu
atentzioa. Antzinako usadio hori
ondoen ikusteko aukera Domusantu
egunak (azaroak 1) emango digu,
herriko elizan kandela horiek izekitzen
dituzte eta.
GR-aren marka gorriei segika, Larrai tzen
agertuko gara. Landa eta baso txikien arteko
LARRUNARRI EDO TXINDOKI MENDIA, ELURREZKO KAPELAREKIN. GOIAN, ENIRIOKO GALTZADA.
paisaia zoragarriaren erdian, baseliza umila ikusi dugu, atzean
Larrunarrik erraldoia ematen duela. Leku honetan hamaika
erromeria eta bertso saio egin izan dira eta bere jatetxe, taberna
eta aisialdi guneekin, egunpasa ederra egitera gonbidatzen du.
Gainera, Aralarko natur parkeko eta, bereziki, Larrunarrira
igotzeko ate printzipala da.
Larraitzetik aurrera malda pikoak gainditu beharko
ditugu Larrunarri (1.346 m) gainera heltzeko.
Merezi du, bai horixe, magiaz betetako gailur
baten bila goaz eta. PR-GI 2005 bidearen
marka hori-zuriei segika, tontorrera iritsi,
ikuspegi itzelez gozatu eta beste aldetik
jaitsiko gara, Amezketaraino. Bidean,
nahi izanez gero, Arritzagako ibarrean
kuku bat egiteko aukera edukiko dugu,
antzinako meatzeak eta ur-jauzi dotoreak
ikusi nahi baditugu.
ARALAR
INFORMAZIOA SAREAN: www.gipuzkoamendizmendi.net /
www.tolosaldea.net / goierriturismo.com
17
MASKORRA KOLKO
Pasealeku Berritik Haizearen Orrazira
Donostiara lehenengoz doanak Kontxa aldea edukiko
du gogoan, zalantzarik gabe. Mundu zabalean hedatu
den postatxartel irudia da, hiriak eta naturak elkarlanean
emaitza paregabeak sortzeko gauza direla erakusten duen
badia kitzikagarria. Alderik alde tipi-tapa egiteko moduko
ibilbide hain politik gutxi dira munduan.
Ibilbide horretan munarri jakin batzuk aurkituko ditugu.
Oteizaren Eraikin Hutsa eskulturaren aurrean has gaitezke,
HAIZEAREN ORRAZIA, ITSAS ENBATA GOGORREI AURRE EGITEKO PRONTO.
DONOSTIA
SANTA KLARA, UHARTEA HIRIAREN BIHOTZEAN.
Pasealeku Berrian. Hutsaren eta materiaren arteko solasaldi
etengabeaz gozatu eta gero, badia barrenera joango gara,
portu aldea zeharkaturik. Une batez gelditu eta Kontxara
begira jarriz gero, irudika genitzake lehenengo donostiarrak,
haien hiri koskorra lehorretik banatzen zuten hareatza zabal
haiei begira. Nekez ikusiko zituzten guretzat gaur egun diren
altxor paregabeak. Nekezago asmatuko zuten Donostiaren
bihotza izan behar zuela.
Aldaketa XIX. mendearen amaieratik aurrera gertatu zen,
Espainiako Gortearen udaleku bilakatu zenean. Harrez gero sortu
dira gure paseo atsegin honetan ikusten ditugun eraikin esanguratsuenak
(Nautikoa, kasino izandako Udaletxea, hotelak, La Perla,
errege jauregia…). Eta, amaieran, Ondarreta aldean, Haizearen
Orrazia aurkituko dugu, artea eta natura eskutik heldurik.
Bertatik hurbil sumatuko dugu Santa Klara uharte txikia,
antzina komentuaren barrutia, gaur egun itsasargiaren habia.
Udan motordun txalupak lotzen du Donostiako portuarekin,
milaka bisitarien gozamenerako. Irudizko lerro batek lotu
ditzake Haizearen Orrazia, Santa Klara eta Oteizaren Eraikin
Hutsa. Badiaren eremua itxi eta Maskorra Donostiaren kolkoa
dela ikusiko genuke horrela.
MASKORRA KOLKO
DONOSTIAKO TURISMO BULEGOA: Boulevard 8. Tel: (34) 943 48 11 66.
www.sansebastianturismo.com
17