Download gratuito - Edizioni d'if

comme la gola de la franfellicca?
XIX
Falle quatto carizze, àmmala sulo
ca de mangiare non te po’ mancare.
Schitto che tu le dinghe no cetrulo
de Pettorina te fa satorare
de cótene te carreca no mulo
e te dà quanto maie pote abboscare
e te ietta da suso a la fenesta
pe’ ’nfi’ lo vruodo e pe’ ‘nfi’ la menesta!
XX
Di’ ca truove nesciuna vaiassella
de nomme brutto, Livia o Catarina:
se chiamma ognuna Cecca e Iacovella,
Meneca, Preziosa e Carmosina,
Vasta, Renza, Grannizia et Antonella.
Nomme che ne puoie ‘nchire na cantina,
e di’ ca mme pò dire quarche chiario
ca songo nomme puoste ‘n calannario.
XXI
O vaiasse, lostrisseme segnore,
vuie cchiù merdate de l’autre perzune:
vengano addonca pe’ ve fare ‘nnore
Cicco, Cenzullo, Rienzo e Vecenzone.
E de fauzetto, vascio e de tenore
le laude voste co’ lo calascione
ognuno canta, ognuno strilla, e dica:
21