Download gratuito - Edizioni d'if

ch’è no miedeco cierto da segnore
et ha sfrattato cchiù de no spetale!
Venette e, ‘ntiso avenno lo dolore
e commo e quanno se facette male,
parlaie toscano e disse: « Ho ’nteso a pieno:
ecco lo rezettario de Galeno.
XXII
Mo’ vedarrimmo s’a chesta caduta
– pocca èie stata dinto na cantina –
è buono ontare co’ zuco de ruta
o veramente co’ cera cetrina.
Chest’arte nostra èie na scienzia suta
e de l’autre scienze na regina
et ha trovato propio p’ogne male
agniento, medecina e servezeale ».
XXIII
Con chesto revotaie lo levrettiello
e quanno l’appe tanto po’ leiuto
che perzo nce averria lo cellevriello
ogn’auto letterummeco perduto,
asciaie che de mortella e de rosiello
la porva (o bello miedeco saputo!)
dapo’ ch’ontato aveva c’uoglio rosato
se semmenava a chello ’mbrognolato.
XXIV
Accossí tanto de no cierto Rosa
62