Download gratuito - Edizioni d'if

A chesta nova tanto se preiaie
la zita che s’avette a ’scevolire.
Po’ commo n’allopata se magnaie
quanto a tavola nc’era da ’ngorfire
né nce fu arciuolo che non devacaie
(Bacco – se nc’iere – aiutamello a dire!).
Po’, pe’ se ’ntrattenere ’nfi’ a lo vruoco,
chiammâro ad uno co’ lo vottafuoco.
XXXI
Lo quale ieze a lo zito e a la zita,
’mmezzanno quarche nova cascardella,
commo Pordenzia, Madamma la Zita,
Cunto de l’Uorco, Vascia e Serenella,
dove iea Carmosina tanto ardita
iettanno ccà e llà sta gamma e chella
che parea propio co’ li chianellette
cavallo che se ’mmezza a fà’ crovette.
XXXII
Accossì ’nfi’ a la sera la passâro
’nfi’ che fu l’ora de lo mazzecare
che se sedêro a tavola e magnâro
auto auto pe’ cchiù priesto se corcare.
Ma pe’ parte de dote - oh quanto ammaro! -
la Fortuna a lo lietto fece asciare.
Pocca, d’Ammore ‘ntranno a lo steccato,
s’addonaie Ciullo d’essere legato.
65