Download gratuito - Edizioni d'if

Oh mamma mia, che uocchie a zennariello!
Na robba avea de capesciola e lana
a la ’ntrellice, commo a terzaniello.
Teneva schitto quanto na campana
na vozzolella ’n canna e no scartiello
de lo riesto era tutta saporita
che n’appe gelosia quase la zita.
XIII
Appriesso a chessa Giovannella ionze
che, sebbe’ avea n’uocchio scarcagnato,
a lo Banco tenea cchiù de seie onze
e cchiù d’uno nce avea l’uocchie appezzato
e ’ntra l’autre uno, che vénne caionze,
ieva muorto ped essa e spantecato
e tanto cchiù mo’ se nne iea ’n brodetto
ca portaie na camorra de dobbretto.
XIV
Co’ chessa accaseione s’affrontaie
co’ Pantullo la figlia de Renella
che non s’erano viste ch’era assaie
et essa nne sperea, la poverella.
co’ l’uocchie l’uno a l’auto se parlaie
ma essa non capea dinto la pella
e pe’ darele subbeto no vaso
l’appe a cacciare n’uocchio co’ lo naso!
XV
46