Download gratuito - Edizioni d'if

dapo’ che mappe quase speretato
pe’ pavura ca tenta la vediette,
le sautaie ’n cuollo lieggio comma grillo
e dezele no vaso a pezzechillo.
XVI
Ma non volenno ch’io mme ne sagliesse
quanno tirare ‘ncoppa mme vedeva,
le gamme afferrata mme se messe
e comm’a grancio o purpo me stregneva.
Ma pe’ lo piso granne, o se rompesse
la funa o ca scappasse a chi teneva,
simmo cadute et io moro crepato
se non me schiaffo dinto no crastato.
XVII
Chesto è quanto io te pozzo mo’ contare
e de lo mio non te ne metto niente.
Ora se nce volite perdonare
et avere piatà de sti trommiente,
facitence stasera ’nguadeiare
ca facimmo chiammare li pariente
e ve restammo schiave et obbrecate
propio commo nce avisse recattate ».
XVIII
Lo gentelommo, avennolo sentuto
e canoscenno ca lo vero ha ditto,
le disse: « Io mme so’ propio ’ntenneruto
60