Download gratuito - Edizioni d'if

Te cride fuorze de ’gliottì’ la gente?
Affé, s’a chesta tiene mente schitto,
te voglio fare tale mazzeìata
che nn’eterno te scuorde sta iornata!
XIII
« Me nne rido de chesto: viene a chiazza
ca vedarrimmo po’ sta bravaria
– decette Ciullo – ca co’ spata e mazza
darraggio cunto de la vita mia.
E voglio propio sta ianara pazza
che mo’ me guasta la fattocchiarìa,
a despietto de chi vo’ faurire,
ca voglio co’ moglierema comprire ».
XIV
« Tu parle troppo e si’ no cacasotta:
saglie ccà suso e vide che te faccio!
– respose Mase – ca co’ meza botta
da la capo a li piedi te scacaccio! ».
Ciullo, arraggiato, mo’ la porta votta
e volea propio ’scire da sso ‘mpaccio.
La trova chiusa e strilla: « Apre, vaiasso,
se no sta porta co’ no càucio scasso! ».
XV
Tanno Mase respose: « Abbotta puro,
brutto anchione, pacchiano, marranchino!
Schiatta, tozza la capo pe’ sso muro,
73