Download gratuito - Edizioni d'if

scrofazza pettolella, singh’accisa
ca puorte cartastraccia pe’ cammisa!
VII
Non mm’aie legato, streca, fattocchiara,
perchiepetola, brutta zantragliosa!
E Carmosina mia, scura et ammara,
faie che co’ mmico stia pe’ chessa cosa.
Zitto! La burla costarratte cara
ca vennetta farraggio auta e famosa.
Uh, se t’avesse mo’ le mano adduosso,
acciso sia si sano avisse n’uosso! ».
VIII
« Siente, ragazzo – le respose Cenza
(ch’accossì la guagnastra era chiammata) –
de che te cride stare ’n pretennenza
che mme la frusce co’ la sbraveiata?
Va, stracciavrache mio, ped auta penza
ca cchiù pe’ te no’ stongo martellata
e, s’aie golìo d’avere ste bellizze,
va’ ca n’aie sceca, quanto curre e ’mpizze.
IX
A me co’ felatielle? Pane a parte,
guattaro, zucavroda, mareiuolo,
tu faie co’ mmico de lo capo parte
e po’ vorrisse quarche ferraiuolo.
Tu saie ca l’ommo mio è cchiù de Marte
71