Download file (1,72 MB) - .PDF
Download file (1,72 MB) - .PDF
Download file (1,72 MB) - .PDF
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Le Schi Club ne bazila pa...<br />
Lies<br />
Eniann de novëmber à le Schi Club d’Al Plan festejé le iubileo de 65 agn. Te<br />
cösta ocajiun èl inće gnü prejenté na ediziun nea dal liber sön la uniun, en<br />
documont sön le sport da d’invern<br />
Chê ne conësc pa nia cöstes<br />
parores: “Al vën la nëi y döt<br />
co bol, śën junse nos coi schi” Al è<br />
les prömes dla ćianćia dal schiclub<br />
co ea gnüda motüda jö i agn 50<br />
da Alfred dal Ostì. Le Schi Club<br />
d’Al Plan à eniann podü festejé le<br />
iubileo de 65 agn de vita. Al ea ai<br />
26 de jenà dal 1946 che Hans de<br />
Corcela, Erich dal Medo, Vighile<br />
de Mena, Jep da Plazores, Paul dal<br />
Criner y Fritz dal Ostì s’abinâ tal<br />
salf dal Hotel Posta por mëter sö<br />
en schiclub, co ciafâ l’ennom de<br />
“Sci-club San Vigilio di Marebbe”<br />
y ea l’otavo schiclub dla provinzia.<br />
De chisc sis pioniers èl encö mâ<br />
plü Hans de Corcela en vita. Ël è<br />
sté presidënt por bën 57 agn, dal<br />
1947 ćina al 2004, y è śën presidënt<br />
onorar. So post è gnü tut ete da<br />
Giovanni Complojer - Jonson.<br />
Le iubileo de 65 agn à le diretif<br />
dal Schi Club orü recordé con<br />
na festa d’aorela cörta, stada<br />
ai 13 de novëmber te salf dles<br />
manifestaziuns d’Al Plan. Por<br />
cösta ocajiun èl gnü organisé<br />
dômisdé en gran batadù, y al è gnü<br />
motü fora en marćé de secunda<br />
man de atrezadöra da d’invern.<br />
Önn dai momonć emportanć<br />
dal dé è stada la prejentaziun<br />
dal liber “65 agn Schi Club d’Al<br />
Plan”. Belo en gaujiun dal iubileo<br />
de 50 agn â le Schiclub dé fora na<br />
picia brosciüra dal titul “Iubileum<br />
1946-96 - SCICLUB S. Vigilio di<br />
Marebbe”, co ea gnüda scrita da<br />
Paul Videsott con la colaboraziun<br />
de Giovanni Pescollderungg,<br />
co à inće pa cösta ediziun daidé<br />
empara. Eniann àn tut la dezijiun<br />
da dé fora na ediziun nea, co à<br />
ciafé inće na bela iesta grafica, fata<br />
da Raimund Promberger da Rina.<br />
“Le liber dess ester en ajornamont<br />
y completamont”, dij le presidënt<br />
Jonson.<br />
Te 77 plates vëgnel cunté dla<br />
storia dal sport dai schi, nominenn<br />
le pröm maester dai schi - Hubert<br />
Mutschlechner dal Pech, co à dé<br />
Pla festa de iubileo dai 65 agn dal schiclub d’Al Plan: dmc la<br />
secretêria Karin Oberbacher, le presidënt Giovanni - Jonson<br />
Complojer y Giovanni Pescollderungg, co à laoré pal liber<br />
jö dal 1934 l’ejam da maester a<br />
San Martino di Castrozza. Al vën<br />
spo cunté dla pröma gara de schi<br />
tal paîsc d’Al Plan y dles gares co<br />
gnea fates enlaôta, canche al n’ea<br />
sö por nostes tomples nia ćiamó<br />
lifć y pistes batüdes. Gares gnêl<br />
fat da Pré da Sarjëi jö, mo inće<br />
sön la Para da Pedagà, Ćianros,<br />
Pelegrin, Chës Rödenes y ćinamai<br />
ete Plan Pecëi Dessora y Pedistles.<br />
Documentada con na fotografia è<br />
inće na gara con empedimonć co<br />
piâ ia te plaza de dlijia. Tomps<br />
dadìo passês.<br />
Tla publicaziun ciafa spo<br />
sambën lerch l’ativité dal Schi<br />
Club te döta söa storia, cuntenn<br />
dles gares emportantes co gnea<br />
tignides te paîsc y sön munt<br />
(ćinamai da Sas dles Nö jö). An<br />
ne desmonćia nia i bi resultać<br />
che atleć d’Al Plan â belo laôta<br />
arjunt tles gares zonales. Tlò n<br />
valgügn: dal 1963 vëgnel cunté<br />
che Barbara Erlacher de Hans de<br />
Corcela â davagné döt adöm: le<br />
slalom, slalom lerch y discesa sön<br />
les pistes de Ćianros y Sarjëi. Dal<br />
1957 à Albert dal Medo davagné<br />
i campionać zonai de slalom a St.<br />
Valentin auf der Heide. Ćiamó<br />
denant, dal 1953, êl Pire dal Medo<br />
co davagnâ i campionać zonai<br />
de discesa a Valsperch y Erich<br />
dal Medo i campionać zonai de<br />
slalom. Les gares zonales aldìa<br />
laôta ples maius dla provinzia.<br />
Le presidënt Jonson recorda con<br />
ligrëza che 5 atleć dal Schiclub<br />
d’Al Plan è roês tan ennant da<br />
podëi tó pert a gares de copa dal<br />
monn de schi: Manuela y Manfred<br />
Mölgg y Alexander Ploner de<br />
Brüscia - co garejëia dötaorela<br />
te copa dal monn, y belo denant<br />
inće Klaus Kastlunger dal Medo y<br />
Marco Erlacher de Corcela.<br />
Le liber cunta a 360 degrês<br />
dal sport dai schi y dles ativitês<br />
da d’invern, da enlaôta ćina<br />
aldédancö. Na publicaziun<br />
abelida da cotan de retrać da<br />
zacan y da encö. Le consëi dal<br />
Schiclub è motü adöm encö da:<br />
Giovanni Complojer - presidënt,<br />
Hans Erlacher - presidënt onorar,<br />
Marco Mutschlechner - vize,<br />
Karin Oberbacher - secretêria,<br />
Roland Erlacher - aconsiadù y<br />
alenadù y i aconsiadus Cindy<br />
Ploner, Carlo Comploj y Sara<br />
Vollmann. Colaboradus è David<br />
Clara, Raimund Promberger y<br />
Luca Complojer por le Kronplatz<br />
Skiteam y Tone Maneschg co<br />
dëida pai tesseramonć. Al consëi<br />
ti va les aodanzes de na bona man,<br />
da condüje ennant l’ativité dal<br />
Schi Club d’Al Plan.<br />
15