Create successful ePaper yourself
Turn your PDF publications into a flip-book with our unique Google optimized e-Paper software.
s’iscravamentu<br />
Anno XXIV<br />
n. 3<br />
29 marzo<br />
2016<br />
&<br />
GALLURA ANGLONA<br />
15<br />
S’ISCRAVAMENTU<br />
Zoseppe e Nicodemo, accurtziatebos como<br />
a sa Ruche…<br />
Ingrenucatebos…adorate et precate intro ‘e<br />
coro ostru su Izzu ‘e Deus….<br />
Pesatebonche, annate a dainnantis de sa<br />
Madonna, sa Mama ‘e Zesusu…<br />
Dimannate a Issa su permissu pro c’acchirrare<br />
dae sa ruche su Corpus santu de su Izu<br />
Divinu…. Pro vois est unu granne onore de<br />
poter astringhere in bratzos vostros cussu Corpus<br />
santu de Zesusu, chi Maria at partoritu. Issa,<br />
comente donzi mama, l’intennet comente<br />
carre de sa carre sua inumbe iscurret su mantessi<br />
sambene suo, sa mantessi vita sua.<br />
Como, torràte a bos accurtziare a sa Ruche…<br />
Ampilate in sas iscalas pro liberare su Corpus<br />
de Zesusu dae cussu patibulu ‘e linna.<br />
Controllate chi s’asca siat bene posta in sutta<br />
‘e sos bratzos de Zesusu, …. Est s’asca chi<br />
poi bos ata a servire pro c’acchirrare su Corpus<br />
dae sa Ruche<br />
Como chizzìtenche sa corona de ispinas dae<br />
sa conca ‘e Zesusu: est sa corona chi sos sordatos<br />
romanos, achennesi beffa de su Re Divinu,<br />
l’ana postu in conca.<br />
Ammustratela a su populu, pro ch’isse puru<br />
potata abbaitare e venerare cust’istrumentu de<br />
dolore<br />
Vasatebòlla…<br />
Apporritela a sos dissipulos chi sono in terra<br />
Vasatebolla vois puru…<br />
… e como dàzila a sa Madonna, chinghennebila<br />
in conca. Ata a essere Issa a la gollire<br />
vene comente reliquia pretziosa, comente at<br />
semper gollitu in coro suo tottu sas paraulas de<br />
su Izzu suo. Issa l’ischiat chi prima o poi deviat<br />
arrivare cuss’ora chi Simeone in su tempiu l’aiat<br />
profetatu: “a tie, Maria, un’ispada t’at a trappassare<br />
su coro”.<br />
E como tue, Zoseppe de Arimatea, chìtzinche<br />
su crau dae sa manu destra de Su Segnore.<br />
Cantas vias chin cussa manu ha beneittu poveros,<br />
malaidos, peccatores, zente bisonzosa chi<br />
s’accurtziaiat a isse pro esser cossolata e azuata.<br />
Ammustra cussu crau a su popolu, chi vidat<br />
e ammentet sempere su c’at suffritu Zesusu pro<br />
nos cherrer vene.<br />
Vasa cussu crau e àchelu vasare vintzas a<br />
Nicodemo…<br />
Apporrilu a sos dissipulos chi sono in terra…<br />
Vasatelu vois puru…<br />
….. e como dazilu a sas feminas chi lu presentana<br />
a sa Madonna, ponennelu in pedes<br />
suos.<br />
E como, tue, Nicodemo, chitzi su crau dae<br />
sa manu sinistra de Su Segnore…Canta zente<br />
at abbratzatu cussa manu, cantos pitzinnos at<br />
carignatu, cantas concas at toccatu pro las liberare<br />
dae donzi malu pessamentu e dae donzi<br />
malignitate… cantos poverittos e istropiatos chi<br />
s’ingrenuchiana pro dimannare perdonu e aggiutoriu<br />
at arritzatu …<br />
Vasa cussu crau e àchelu vasare vintzas a<br />
Zoseppe de Arimatea…<br />
Apporrilu a sos dissipulos chi sono in terra…<br />
Vasatelu vois puru…<br />
….. e como dazilu a sas feminas chi lu presentana<br />
a sa Madonna, ponennelu in pedes suos.<br />
In su mentras chi Nicodemo mantenet s’ascha<br />
intunnu a su corpus de Zesusu, tue,<br />
Zoseppe de Arimatea, acchirra dae s’iscala<br />
Pòneti in pedes de su Crutzifissu e chìtzinche<br />
su crau c’hat trapassatu cussos pedes<br />
santos. Aiat natu vene su profeta Isaia: “Comente<br />
son bellos sos pedes de chie vàttut novas<br />
vonas”. E sas novas de Zesusu sono sa pache,<br />
s’armonia, sa zustissa, s’amore…<br />
Ammustra cussu crau a su popolu<br />
Vasalu…<br />
….. e como dailu a sas feminas chi lu presentana<br />
a sa Madonna, ponennelu in pedes suos.<br />
Zoseppe de Arimatea, azuatu dae sos ateros<br />
dissipulos, acchìrranche como su Corpus<br />
Santu de Zesusu dae sa Ruche…<br />
Ammustrate cussu Corpus maltrattatu e<br />
chene vita a su Populu pro l’adorare<br />
Como accurtziatebos a Maria e presentateli<br />
su Corpus de su Izzu suo Divinu. In su dolore<br />
tuo, o Mama Santissima, b’est su dolore de donzi<br />
mama in custa terra, de chie li morit unu izu,<br />
de chie devet assistere unu izu malaidu, oppuru<br />
suffrit pro unu izu chi s’est perditu chin cumpanzias<br />
e istradas malas, sas istradas de su vissu, de<br />
su vinu, de sa droga, de su malu achere…<br />
Paret chi Issa nos siat nanne vintzas oje: “vois<br />
chi colates inoche, virmàtebos e appompiate: bi<br />
potet aere unu dolore prus mannu de custu?”<br />
No, non b’at dolore chi potat essere paragonatu<br />
a su dolore de una mama!<br />
Mama de su Vonu Caminu, accumpanza chin su<br />
vonu coro tuo tottu sas mamas chi sono in affannu<br />
e golli sas lacrimas de sos ocros e de su<br />
coro issoro. Ache chi non s’intennana mai solas.<br />
Cale tristura manna in cust’issena! Ma est galu<br />
prus triste pessare chi sa morte e passione ‘e Zesusu<br />
sichit a esser presente oje, comente a eris, in<br />
totu cussos chi sono irmenticatos dae sa sotzietate,<br />
in sos disoccupatos e in sos isfruttatos, in sas<br />
eminas chi morini pro s’egoismu de s’omine, in<br />
cussas chi sono obbricatas a benner sus corpus e<br />
s’anima issoro, in sos pitzinnos violentatos…<br />
Perdonannos, Segnore, si custa chenapura santa<br />
est semper presente vintzas in sa sotzietate<br />
de oje. Dàennos s’isperantzia e sa tzertesa chi<br />
Tue ses sa vita, ca tue as vintzu sa morte chin<br />
sa Resurretzione tua. Gai siat.<br />
E tantas gratzias a bois c’azis apitu sa passentzia<br />
‘e m’ascurtare.<br />
Ateros annos menzus!<br />
- Como imbarate chi delicatesa su Corpus<br />
de Zesusu in sa lettèra preparata pro s’interru.<br />
✠Sebastiano Sanguinetti