BABA VOEDING - insightcpd.co.za

produserende selle in die wand van die maag. Die hoof funksie
van soutsuur is om die pH van die maag te verlaag nodig vir:
© Koagulasie van kaseïen in die maag
© Aktivering van die ensieme rennien en pepsinogeen
As gevolg van die lae volume van die beskikbare soutsuur, is
die tipe voeding wat aan die baba gegee word belangrik
aangesien proteïene (hoofsaaklik kaseïen) voldoende soutsuur
benodig vir optimale vertering.
Beperkte beskikbaarheid van galsoute:
Alhoewel pankreatiese lipase beskikbaar is om te verseker dat
’n mate van vet vertering voorkom, is galsoute die tempo
bepalende faktor en word as die oorsaak van lae vet absorpsie
beskou gedurende die eerste paar lewensmaande. Swak
voorsiening beperk energie opname en gee aanleiding tot
swak absorpsie van die vet oplosbare vitamiene A, D, E & K.
Dit kan die algehele groei en ontwikkeling van die baba
beïnvloed indien dit nie aangespreek word nie.
Onvolwasse nier funksie:
Die doel van die niere is om afvalstowwe uit die bloed te
verwyder en dit uit die liggaam te elimineer. Hierdie proses is
beperk tydens die vroeë weke van die baba se lewe as gevolg
van onvolwassenheid van die niere. Gedurende hierdie periode
moet sorg gedra word om oor-konsentrasie van formule
voedings te verhoed aangesien verhoogde proteïen, natrium,
kalium of chloried inhoud aanleiding kan gee tot moontlike
nierskade, indien dit nie reggestel word nie. As die baba egter
gedehidreer word, kom ’n hormonale reaksie in die liggaam
voor wat veroorsaak dat water in die weefselselle terug getrek
word vir intrasellulêre ondersteuning. Vloeistof verlies deur
uitskeiding word dus verhoed, d.i. urien sal in ’n
gekonsentreerde vorm uitgeskei word.
Beperkte Urinêre Osmolariteit:
Osmolariteit is die hoeveelheid opgeloste stowwe wat die
niere uit die bloedstroom moet verwyder; dit word uitgedruk as
mOsm / per liter oplossing. Konsentrasie word hoofsaaklik
deur verhoogde vlakke van natrium, kalium, chloried en urea
in die bloed beïnvloed. Die onvolwasse niere het ’n beperkte
vermoë om urien te konsentreer; dus word ’n groter volume
water benodig om urea en opgeloste stowwe uit die bloedstroom
te verwyder gedurende hierdie tydperk van onvolwassenheid.
Figuur 6.
Die hidrasie status van ’n baba beïnvloed Osmolaliteit, die
eenheid wat gebruik word om die osmotiese druk te meet wat
deur ’n opgeloste stof op ’n selmembraan uitgeoefen word; dit
word in mOsm/kg water gemeet. Osmotiese druk sal verhoog
as dehidrasie voorkom of verlaag as die vloeistof inname
oormatig is.
LW. Indien borsmelk nie beskikbaar is vir voeding
nie behoort die apteker of gesondheidsorg
werker ’n geskikte borsmelk alternatief voor te
skryf wat ontwikkel is met inagneming van die
fisiologiese beperkings van die pasgebore baba.
Dit is belangrik om moeders in te lig oor die
gevare verbonde daaraan om die voeding
verkeerd aan te maak. Moeders moet die meng
aanwysings op die etiket noukeurig navolg;
byvoeging van ’n paar ekstra skeppies kan die
baba in gevaar stel van nier oorlading of vetsug.
Ondervoeding is net so gevaarlik en kan
aanleiding gee tot toestande wat verband hou
met swak groei en ontwikkeling.
3.2 Verwagte Groei: Geboorte -
3 jaar
Die volgende tabel verskaf ’n indikasie van die verwagte
gewigstoename van ’n normale, voltermyn baba vanaf geboorte
tot 3 jaar, gebaseer op ’n geboorte gewig van 3,4kg.
Tabel 4
OUDERDOM GEWIGSTOENAME
Geboorte – 6 maande Dubbel geboorte gewig
Geboorte – 12 maande Drie keer geboorte gewig
12 maande - 3 jaar 25% verhoging per jaar
Figuur 7.
3.3 Voedingsbehoeftes van Babas
Optimale groei en ontwikkeling hang af van die dieet wat al die
nodige voedingstowwe volgens die Aanbevole Daaglikse
Toelae (ADT) verskaf. Waardes word uitgedruk as g/100 kkal
of as gram/kg liggaamsmassa per dag.
12 Julie 2003