wt15611 - Front Shop - Afrikaans Questions.pmd - insightcpd.co.za

Alpha Pharm
Apteek Personeel Kliniese Onderrig
Program
AFDELING 1
1
Multikeuse Vrae - Puisies en Aknee
Kies die mees toepaslike antwoord vir elke vraag en
voltooi die MKV-kaart. Daar is slegs een korrekte
antwoord vir elke vraag. Die antwoordkaart moet aan
ons teruggestuur word voor of op 17 Oktober 2012.
1. Die vel:
A. Het verskeie funksies.
B. Bedek die hele liggaam.
C. Het ’n oppervlakte van 1.2 tot 2.2 vierkante
meter.
D. Weeg omtrent 4 tot 5 kg.
E. Al die bogenoemde is korrek.
2. Dit is waar dat:
A. Miljoene dooie selle elke dag afvryf en dat ’n
nuwe epidermis elke 25 tot 45 dae vorm.
B. Die vel ewe dik is reg oor die liggaam.
C. Die dermis onder die epidermis lê en die grootste
deel van die vel vorm.
D. A en C is korrek.
E. A,B en C is korrek.
3. Kies die verkeerde stelling:
A. Sweetkliere is die sogenaamde porieë op ’n
persoon se gelaat.
B. Sweetkliere kom omtrent oor die hele veloppervlakte
voor.
C. Talgkliere (vetkliere) word nie op die handpalms
of voetsole gevind nie.
D. Die talgkliere is groter op die gesig en nek as op
die bene.
E. Die talgkliere skei ’n olierige stof genaamd
sebum af.
Posbus 218, Cramerview, 2060
Telefoon: 011 706 6939 Faks: 086 660 9527
E-pos: cpdalphapharm@insightmed.co.za
2012 MODULE 4
4. Sebum:
A. Word in ’n haarfollikel of porie op die veloppervlakte
afgeskei.
B. Dien as ’n smeermiddel op die vel en om die vel
te versag.
C. Vertraag die verlies van water vanuit die vel
wanneer die humiditeit van die lug laag is.
D. Het ’n antibakteriële (bakterie-dodende)
werking.
E. Al die bogenoemde is korrek.
5. Kies die verkeerde stelling:
A. Hormone, veral androgene, stimuleer die
afskeiding van sebum vanuit talgkliere.
B. Talgkliere is die aktiefste tydens die kinderjare.
C. Talgkliere word meer aktief tydens puberteit in
mans en vrouens.
D. Indien ’n talgklier deur opgehoopte sebum
geblokkeer word, verskyn ’n witkoppie op die
oppervlakte van die vel.
E. Indien die sebum in ’n witkoppie oksideer en
uitdroog, word dit donkerder en vorm ’n
swartkoppie.
6. Aknee:
A. Is ’n aktiewe inflammasie van die talgkliere.
B. Kom nie na puberteit voor nie.
C. Kom as puisies, pustules of siste op die vel
voor.
D. A en C is korrek.
E. A, B en C is korrek.

7. Die vier basiese stappe wat betrokke is in die
ontwikkeling van aknee is:
A. Die haarfollikels of porieë word geblokkeer met
dooie velselle.
B. Die talgklier vergroot en sebumproduksie
verhoog.
C. Die verhoogde sebum veroorsaak dat ’n oormaat
bakterieë op die vel groei.
D. Die bakterieë breek die sebum in stowwe af wat
die vel irriteer.
E. Al die bogenoemde is korrek.
8. Kies die verkeerde stelling:
A. Indien ’n geblokkeerde haarfollikel nie op die
oppervlakte van die vel gesien kan word nie,
word dit ’n mikrokomedoon genoem.
B. ’n Mikrokomedoon word as die vroegste velletsel
van aknee beskou.
C. Swartkoppies en witkoppies is inflammatoriese
letsels van aknee.
D. Die mikrokomedoon kan in ’n nie-inflammatoriese
of ’n inflammatoriese letsel ontwikkel.
E. Witkoppies is meer geneig om in inflammatoriese
puisies as swartkoppies te ontwikkel.
9. Watter van die volgende is nie ’n
inflammatoriese letsel van aknee nie?
A. Papule
B. Pustule
C. Oop komedoon
D. Nodule
E. Sist
10. Dit is waar dat:
A. Meeste akneelyers kla van ’n oormatige
olierigheid van die vel.
B. Mense met ligte aknee het meestal swartkoppies
en witkoppies en/of slegs ’n paar puisies.
C. Mense met matige aknee het verskeie rooi,
ettergevulde puisies, swartkoppies en
witkoppies.
D. Mense met ernstige aknee het verskeie groot,
seer, ettergevulde knoppe of nodules onder die
vel.
E. Al die bogenoemde is korrek.
2
11. Kies die verkeerde stelling:
A. Slegs ernstige aknee kan letsels veroorsaak.
B. Aknee kan voor ’n vrou se maandstonde
vererger.
C. Oliegebaseerde kosmetiese produkte kan tot
aknee bydra.
D. Mense met aknee moet nie aan hul vel druk nie.
E. Harde, saamtrekkende velsorgprodukte kan
persone met aknee se vel te veel uitdroog.
12. Geneesmiddels wat aknee kan veroorsaak sluit
in:
A. Vitamien B2, B6 en B12.
B. Anaboliese steroïede.
C. Orale kontrasepsie.
D. A en C is korrek.
E. A, B en C is korrek.
13. Akneebehandelings:
A. Mag dalk vir 2 of 3 maande gebruik moet word,
voordat daar besluit word of die behandeling
effektief is.
B. Moet altyd die gebruik van harde, saamtrekkende
reinigingsmiddels insluit wat die vel
uitdroog.
C. Mag dalk vir ’n paar jaar volgehou moet word.
D. A en C is korrek.
E. A, B en C is korrek.
14. Kies die verkeerde stelling:
A. Topikale middels moet aan areas aangewend
word wat geneig is tot aknee, eerder as net aan
die akneeletsels.
B. Rome is makliker om aan harige areas aan te
wend.
C. Dit is beter om laer-sterkte middels te gebruik
wanneer behandeling begin word, of in persone
met sensitiewe velle.
D. Jelle het ’n uitdrogende effek en mag deur
diegene met olierige velle verkies word.
E. Dit is makliker om oplossings en wasmiddels
oor groot areas soos die bors of rug aan te
wend.

15. Dit is waar dat:
A. Pasiënte met ligte aknee goed vaar met slegs
topikale behandeling.
B. Vroue met ligte aknee altyd ’n orale kontraseptiewe
middel moet neem.
C. Pasiënte met matige of ernstige aknee
behandeling kan benodig met orale medikasie
wat op voorskrif beskikbaar is.
D. A en C is korrek.
E. A,B en C is korrek.
16. Topikale bensoïelperoksied:
A. Het antibakteriële, anti-inflammatoriese en antikomedogeniese
effekte.
B. Het ’n keratolitiese werking, d.w.s. verwyder
dooie velselle.
C. Is die eerstelinie oor-die-toonbank behandeling
vir nie-inflammatoriese en inflammatoriese
aknee.
D. Veroorsaak verbetering in aknee wanneer dit
gereeld gebruik word.
E. Al die bogenoemde is waar.
17. Kies die verkeerde stelling:
A. Bensoïelperoksied voorkom die vorming van
nuwe letsels eerder as om letsels wat reeds
teenwoordig is, te laat krimp.
B. Bensoïelperoksied moet aan die hele
geaffekteerde area aangewend word en nie
slegs aan die individuele komedone nie.
C. Topikale salisielsuur is altyd meer effektief as
topikale bensoïelperoksied.
D. Bensoïelperoksied kan hare, klere en
beddegoed bleik.
E. Was die vel met ’n matige reinigingsmiddel
voordat bensoïelperoksied aangewend word.
18. Salisielsuur:
A. Kan die haarfollikel binnedring en ’n antikomedogeniese
effek hê.
B. Verminder sebumproduksie.
C. Kan saam met bensoïelperoksied in die
behandeling van aknee gebruik word.
D. A en C is korrek.
E. A, B en C is korrek.
3
19. Kies die verkeerde stelling:
A. Pasiënte wat orale isotretinoïen neem kan ’n
chemiese afskilfering een keer per week
ondergaan.
B. Oppervlakkige chemiese afskilferings is meestal
geskik vir pasiënte met komedonale aknee.
(d.w.s. wat meestal swartkoppies en witkoppies
het)
C. Aselaïensuur is effektief teen die bakterieë wat
aknee veroorsaak.
D. Pasiënte wat topikale retinoïedes gebruik, moet
behandeling staak voordat hul ’n chemiese
afskilferingsbehandeling ondergaan.
E. Topikale teeboomolie mag ’n stadiger aanvang
van werking as bensoïelperoksied hê.
20. Kies die verkeerde stelling:
A. Topikale retinoïedes is eerstelinie voorskrifbehandeling
vir komedonale en matige aknee.
B. Alle pasiënte wat topikale retinoïedes gebruik,
moet altyd topikale bensoïelperoksied terselfde
tyd gebruik.
C. Topikale retinoïedes wat vroeg begin word, gee
die vinnigste resultate in die behandeling van
matige aknee.
D. Topikale retinoïedes word dikwels as instandhoudingsterapie
vir pasiënte gebruik wat op
orale behandeling vir matige aknee gereageer
het.
E. Orale isotretinoïen moet slegs gebruik word in
persone met ernstige aknee of aknee wat met
die vorming van littekens geassosieer word.
AFDELING 2
KLINIESE GEVALLE
21. Wanneer daar besluit word op die mees
toepaslike behandeling vir ’n spesifieke pasiënt
met aknee, is dit belangrik om die volgende vas
te stel:
A. Die tipe aknee, bv. komedonaal of
inflammatories.
B. Die erns van aknee.
C. Die veltipe bv. droog of olierig.
D. Die teenwoordigheid van littekens.
E. Al die bogenoemde.

22. Nadat die aknee geassesseer is, watter van die
volgende pasiënte moet na die dokter verwys
word?
A. Aknee is matig of ernstig.
B. Aknee veroorsaak littekens.
C. Aknee wat nie binne 8 weke op toepaslike
behandeling gereageer het nie.
D. Aknee wat ’n ernstige psigologiese impak op
die geaffekteerde persoon het.
E. Al die bogenoemde is korrek.
23. Sandra is 14 jaar oud en het swartkoppies en
witkoppies op haar voorkop, neus en ken. Sy
kry soms een of twee puisies voor haar
maandstonde. Sy vra advies oor velsorg om te
verhoed dat haar veltoestand vererger. Wat is
die mees geskikte advies vir die pasiënt?
A. Was die vel een of twee keer per dag met ’n
matige, nie-seepagtige reinigingsmiddel wat
nie die vel skaaf nie.
B. Dra swaar grimering om die puisies te verbloem.
C. Gebruik ’n nie-komedogeniese vogroom.
D. A en C is korrek.
E. A, B en C is korrek.
4
24. Reinhardt is 17 jaar oud en het ligte aknee. Tot
onlangs het hy daarin geslaag om sy veltoestand
onder beheer te hou deur daagliks te
reinig, maar vandat sy eksamens begin het, het
sy vel baie erger geword en is hy opsoek na ’n
topikale behandeling vir komedone en puisies.
Watter oor-die-toonbankbehandeling is mees
geskik vir dié pasiënt?
A. Topikale behandeling met bensoïelperoksied
2.5% of 5%, wat eenmaal per dag aangewend
word.
B. Indien die vel prikkelbaar of seer raak, verminder
die interval tussen aanwendings na elke tweede
dag vir die eerste week.
C. Verhoog die hoeveelheid aanwendings na tot
tweemaal per dag.
D. Na ’n paar weke, verhoog die sterkte van die
produk na tot 10% indien nodig.
E. Al die bogenoemde is korrek.
25. Riaan is 16 jaar oud en het matige aknee. Hy het
areas van oormatige pigmentering wat deur
aknee veroorsaak word. Hy is opsoek na ’n
topikale behandeling om sy aknee en die donker
pigmentasie op sy vel te verbeter. Watter oordie-toonbankbehandeling
kan jy aanbeveel?
A. Wend topikale aselaïensuur tweemaal per
dag aan skoon vel.
B. Orale vitamien B2.
C. Orale vitamien B6.
D. Orale vitamien B12.
E. Al die bogenoemde is korrek.