REGLEMENT VIR GRAAD 7-OUERFONDSINSAMELINGSKOMITEE ...

REGLEMENT VIR GRAAD 7-OUERFONDSINSAMELINGSKOMITEE
1. DOEL VAN KOMITEE
Die uitsluitlike doel van sodanige komitee is:
1.1 Fondsinsameling vir ‘n Graad 7-afskeidsgeskenk vir die skool.
1.2 Reël van Hoof, personeel en leerders verjaardaggeskenke.
1.3 Noue samewerking en kohesie tussen alle Graad 7-ouers vir die
betrokke jaar.
2. SAMESTELLING VAN DIE KOMITEE
2.1 Tydens die eerste vergadering, onmiddellik na die prefekverkiesing
sal ‘n vergadering deur die vorige jaar se sekretaresse belê word
deur middel van kennisgewing in briefvorm aan alle betrokke
voornemende Graad 7-ouers.
2.2 Tydens dié vergadering sal die vorige bestuur:
2.2.1 Die nuwe bestuursverkiesing bestaande uit: Voorsitter,
Tesourier, Sekretaresse en Hoofleier-ouer verteenwoordiger,
hanteer.
2.2.2 Die voorsitterstoel en pligte oorgee aan die nuwe bestuur.
3. DAGBESTUUR
3.1 Samestelling
Dié bestuur word saamgestel uit die volgende lede:
- Voorsitter
- Tesourier
- Sekretaresse
3.2 Dié Dagbestuur sal verantwoordelik wees om dringende
aangeleenthede wat mag opduik, te hanteer.
4. SAMESTELLING VAN GRAAD 7-VERGADERINGS
4.1 Vergaderings sal bestaan uit alle Graad 7-ouers.
4.2 Kennisgewing vergesel van agenda aan alle Graad 7-ouers moet
minstens 7 dae voor datum van vergadering aan Graad 7-ouers
deurgegee word.
4.3 Behoorlike notule moet tydens elke vergadering gehou word.
4.4 Die notule moet deur die voorsitter goedgekeur word, voordat dit
deurgegee word aan bestuurslede.

5. FINANSIëLE PROSEDURES
2
5.1 Gr 7’s het hul eie bankrekening en hanteer daarom hul eie
finansies.
5.2 ‘n Bankrekening word jaarliks geopen met tekenmagte deur die
dagbestuur.
5.3 Geen blanko, getekende tjeks mag gebruik word nie.
6. FONDSINSAMELINGSPROJEKTE
6.1 ‘n Behoefte bepaling vir moontlike projekte sal by die aanvang van
die Graad 7-termyn deur die Finansiële Komitee deurgegee word.
6.2 Uit bogenoemde sal die Ouervergadering ‘n keuse maak vir ‘n
Graad 7-projek vir die jaar asook kleiner projekte soos bv.
personeel en leerder geskenke.
6.3 Alle fondse deur die jaar geïn, sal uitsluitlik vir die gekose projekte
wees – afwykings hiervan bv. as prioriteite verander, sal slegs met
die goedkeuring van ‘n ouervergadering plaasvind.
6.4 Indien daar enige kontroversie in soverre finansies sou bestaan, sal
dit na die Finansiële Komitee verwys word vir uitsluitsel.
6.5 Alle atletiek tuisbyeenkomste sal uitsluitlik vir die Graad 7 komitee
gereserveer word as fondsinsamelingsgeleenthede.
7. PROJEKBEPALING
7.1 Die bepaling en toekenning van projekte vir fondsinsameling deur
die Graad 7-ouers moet in samewerking met die
Fondsinsamelingskomitee geskied.
7.2 Bywoning deur ‘n afgevaardigde vir dié doel, by die eerste
Fondsinsamelingsvergadering, word aanbeveel.
8. SNOEPWINKEL
8.1 Die Snoepwinkel word jaarliks deur die Finansiële Komitee en skool
aan die Graad 7-ouers toegeken vir fondsinsameling.
8.2 Die toekenning van die Snoepwinkel op tender sal berus by die
besluit van die vergadering van Graad 7-ouers.
8.3 Al die snoepie aankope en inbetalings word deur die Gr 7 ouers se
eie bankrekening hanteer, indien die snoepie nie op tender uitgaan
nie.
8.4 Tenderprosedure
Kyk bylae.

9. BRUIDSKAT
3
Die uitgaande komitee behoort ‘n bruidskat van ±R1 000 agter te laat aan
die komende jaar se komitee as wegspringfonds ten einde kostes in die
eerste maand of twee te dek.
__________________________________ _____________________
BESTUURSLIGGAAM VOORSITTER DATUM