DIE ONDERRIG VAN PROFESSIONELE PRAKTYK IN DIE ...

Die tipe onderrig van Henriëtta Stockdale het ‘n positiewe basis vir
Verplegingsonderrig in Suid-Afrika gelê en afgestudeerde studente het vleiende
verslae ontvang vir die wyse waarop hulle gefunksioneer het (Searle, 1965:172-
173). Die funksionering van verpleegkundiges in daardie tyd was om onder
meer, die geneesheer se voorskrifte asook tegniese prosedures uit te voer,
waarneming van pasiënte en rekordering te doen (Searle, 1965:182).
Vandag word Verpleging in die algemeen as ‘n professie erken (Björkstrom,
Johanssen & Athlin, 2006:503; Muller, 2002: 21; Chitty, 2001:153; Searle,
2000:88; Botes, 1999:64). Professionele verpleegkundiges moet outonoom, op
wetenskaplike wyse, binne wetlike en etiese raamwerke en kultuurkongruent kan
funksioneer (Reeves & Fogg, 2006: intyds; Brathwaite & Majumdar, 2006:471;
Sargent, Sedlak & Martsolf, 2005:intyds; Muller, 2002:14, 16; Canales &
Bowers, 2001:103; Chitty, 2001:361; Serrant-Green, 2001:intyds; Searle,
2000:69; Mellish & Paton, 1999:120; Fagermoen, 1997:435). Daar word dus
tans van professionele verpleegkundiges verwag om nie meer slegs voorskrifte
van geneeshere en tegniese prosedures uit te voer, waarneming van pasiënte en
rekordering te doen nie, maar dat hulle as onafhanklike praktisyns hulle professie
moet beoefen en saam met die geneeshere, onder andere in ‘n span kan
funksioneer (SARV: Die filosofie en beleid van die Suid-Afrikaanse Raad op
Verpleging ten opsigte van professionele Verplegingsopleiding. 1991, soos
gewysig; SARV. Minimum vereistes vir die opleiding en gids betreffende die
onderrig van studente in die program wat lei tot registrasie as ‘n verpleegkundige
{algemene, psigiatriese en gemeenskaps-} en vroedvrou. 1992, soos gewysig).
Studente in Verpleging word dus in die wetenskap en kuns van Verpleging,
ander verwante wetenskappe asook in etiek en professionele praktyk onderrig
(Björkstrom, et al., 2006:505; Davis, Tschudin & de Raeve, 2006:21; Jormsri,
Kunaviktikul, Ketefian & Chaowalit, 2005, intyds; Gastmans, 2002:intyds; Taft,
2000:intyds; Hussey, 1996:251). Die doel van Verplegingsonderrig, soos
geformuleer deur die Suid-Afrikaanse Raad op Verpleging (SARV) is dan ook
26