DIE ONDERRIG VAN PROFESSIONELE PRAKTYK IN DIE ...

Figuur 1.1 toon aan dat die standaarde vir Professionele Praktyk sowel as die onderrig
daarvan deur die SARV daargestel word. Professionele verpleegkundiges moet hierdie
standaarde nakom en mekaar hierin ondersteun. Onprofessionele gedrag moet skriftelik
by die SARV aangemeld word en hulle sal die klag ondersoek en deur middel van
dissiplinêre verhore daarmee deel.
Die proses van Verplegingsonderrig, wat inhoudseleksie, onderrigbenaderings –
tegnieke en assessering behels, behoort vorming van professionele identiteit, sowel as
emosionele intelligensie, tot gevolg te hê (Adams, et al., 2006:57; Clouder, 2003:intyds;
Davies, 2002:intyds; Cadman & Brewer, 2001: intyds; Gregg & Magilvy, 2001:intyds;
Öhlén & Segesten, 1998:721; Fagermoen, 1997:434).
Tans word onderrig van studente in Etos en Professionele Praktyk nie geïndiwidualiseer
nie. Die inhoud, onderrigbenadering, -tegnieke en assessering word deur die lektrises,
of groep lektrises daargestel en die studente word daarvolgens onderrig. Die vraag
ontstaan of hierdie proses die vorming van professionele identiteit bevorder, of nie.
‘n Raamwerk wat die proses van onderrig van Professionele Praktyk rig, kan moontlik
die ontwikkeling van professionele identiteit bevorder.
1.6 KONSEPTE
1.6.1 Onderrig: Quinn (2001:178) beskryf professionele onderrig as ‘n doelbewuste
onderneming om leer te fasiliteer. Dié onderneming word gekenmerk deur
beplande, doelbewuste tussentredes terwyl ruimte gelaat word vir leer wat
toevallig plaasvind. Mellish, Brink & Paton (2001:7) beskryf onderrig weer as ‘n
proses waardeur studente begelei, bygestaan en voorsien word van dit wat hulle
in staat sal stel om die wetenskap en kuns van Verpleging so te bemeester dat
hulle dit kan toepas.
34