DIE ONDERRIG VAN PROFESSIONELE PRAKTYK IN DIE ...

Assessering moet ‘n integrale deel van onderrig uitmaak en nie slegs as ‘n
einddoel gesien word nie (Quinn, 2001:200-201).
Assessering word dus beskryf as ‘n sistematiese proses waardeur inligting,
rakende ‘n persoon se vordering en kwaliteit van kennis, gedrag, vaardighede en
houding op geldige wyse bekom en teen vooraf gestelde uitkomste, gemeet
word. Ten opsigte van Professionele Praktyk sal assessering dus ‘n waardebeoordeling
van die kennis en vaardighede van ‘n student, sowel as vordering in
die proses van vorming van ‘n professionele identiteit beteken.
1.6.5 Onderrigraamwerk: ‘n Raamwerk is ‘n plan of omlyning van iets konkreet of
abstrak (Odendal & Gouws, 2005:906 ).
‘n Onderrigraamwerk is ‘n uiteensetting van voorgestelde onderrig-benadering(s),
-tegnieke, inhoud en assesseringswyse van ‘n gegewe module, in dié geval, die
module Professionele Praktyk.
1.6.6 Professionele Praktyk: Gastmans (2002:intyds) beskryf professionele praktyk as
die totaliteit van houding en vaardighede van ‘n verpleegkundige wat in ‘n
deernisvolle (“caring”) sorgverhouding met ‘n medemens (pasiënt) toegepas
word ten einde die medemens van goeie sorg te voorsien. In Verpleging verwys
Professionele Praktyk na die onafhanklike uitvoering of beoefening van
Verpleging deur professionele verpleegkundiges op ‘n gegewe standaard wat
deur die professie en samelewing aanvaarbaar is (Searle, 2000:134).
Professionele praktyk verwys dus na die onafhanklike beoefening van
verpleegkundige kennis en vaardighede op ‘n gegewe standaard, wat in ‘n
deernisvolle (“caring”) sorgverhouding met ‘n medemens op sò ‘n wyse (eerlik,
eties, verantwoordelik) plaasvind dat die medemens bevoordeel word.
36