DIE ONDERRIG VAN PROFESSIONELE PRAKTYK IN DIE ...

hiervan sal wees om vas te stel of die navorsingvraag duidelik en verstaanbaar genoeg
gestel is, sodat die verwagte response ontlok en die data wat benodig word, verkry kan
word. Die vraag wat getoets sal word is:
“Vertel asseblief waaraan u alles dink as u die woorde professionele praktyk, of
professionele praktykvoering hoor.”
Indien die vraag nie genoegsame relevante response ontlok nie, sal dit herformuleer
word totdat die vraag die verwagte response ontlok. Die inligting bekom deur hierdie
fokusgroeponderhoud sal nie in die studie opgeneem word nie.
FASE II: DIE HUIDIGE ONDERRIG VAN [ETOS EN] PROFESSIONELE PRAKTYK
1.12.3 FASE II, stap 4 en 5: Telefoniese onderhoude (vir volledige beskrywing,
vergelyk bl 256 - 269).
‘n Loodsstudie sal ten opsigte van die telefoniese onderhoude gedoen word ten einde te
verseker dat die vrae duidelik en ondubbelsinnig gestel is en om vas te stel of die
opname duidelik op band opgeneem kan word. Die tydsduur van die onderhoud sal ook
beraam kan word.
Dié loodsstudie sal gedoen word deur drie telefoniese onderhoude met
onderrigpersoneel wat Etos en Professionele praktyk by die plaaslike Universiteit en
Verpleegkunde Kollege onderrig, te voer. Daar is op drie telefoniese onderhoude
besluit, omdat daar een persoon by die plaaslike Universiteit se Skool vir
Verpleegkunde en twee persone by die plaaslike Verpleegkunde Kollege (Free State
School of Nursing) by die onderrig van Etos en Professionele praktyk betrokke is.
Die Skool vir Verpleegkunde aan die Universiteit van die Vrystaat tree as
moderatorinstansie vir die Free State School of Nursing op. Dit is dus moontlik dat die
50