DIE ONDERRIG VAN PROFESSIONELE PRAKTYK IN DIE ...

‘n persoon wat vir ‘n Verpleegkundige onderrigprogram voorbeeld, vir die B.
Soc. Sc. (Verpleegkunde) Program aan die Universiteit van die Vrystaat,
ingeskryf is.
1.6.13 Dissiplinêre sake: Wanneer daar ‘n skriftelike klag ten opsigte van oortreding
van Professionele Praktyk by die SARV aanhangig gemaak word, word
sodanige saak voorlopig ondersoek ten einde die grondigheid daarvan vas te
stel. Indien die klag grondig gevind word, word die oortreding as ‘n hofsaak
deur die SARV ondersoek en word daarna in die algemeen verwys as ‘n
dissiplinêre saak. Die verloop van só ‘n saak word verbatim gerekordeer
(Searle, 2000:334-340).
1.7 OPERASIONELE DEFINISIES
1.7.1 Module: ‘n Module is ‘n leereenheid wat ontwerp is om spesifieke leeruitkomste
te bereik. In die Nasionale Kwalifikasie Raamwerk, het ‘n module ‘n
standaardgrootte, ‘n gewigstoekenning en ‘n spesifieke vlak in ‘n program
(Universiteit van die Vrystaat Jaarboek. 2004/5).
1.7.2 Etos en Professionele Praktyk: Die module waarin die leerinhoud rakende die
aard van Verpleging en die optrede van ‘n professionele verpleegkundige
vervat is, is bekend as Etos en Professionele Praktyk. Aangesien daar in
hierdie studie op Professionele Praktyk gefokus word, sal daar na die module
as [Etos en] Professionele Praktyk verwys word.
1.7.3 Proses van onderrig: Dit verwys na die onderrigbenaderings en – tegnieke,
inhoudseleksie asook assessering wat gevolg word. Dit sluit die omgewing
waarin onderrig gedoen word, asook deurvloei van studente uit (Mellish, et al.,
2001:126).
38