1 - Library

ook deur die huis, hulle kan voor swaarder wees as agter of andersom.
Die beste is om op ten minste drie plekke in die huis te weeg nl. voor, in
die middel en agter. Indien daar 'n monStergrootte van 3% geweeg word
kan 1% in elke area gedoen word. In die betrokke areas word 'n area wat
geskat word die gewensde aantal hoenders bevat afgeskort en al die
hoenders in die area word geweeg en getel. 'n Platformskaal kan gebruik
word en die hoenders kan in kratte geplaas word en 'n paar kratte kan
gelyktydig geweeg word.
Toetsweeg moet altyd in dowwe lig bv. snags gedoen word.
Indien toetsweeg korrek uitgevoer word, is daar min steurnis op die
kuikens.
5.11 Opsomming van daaglikse roetine.
1. Handhaaf temperatuurbeheer. Monitor elke uur tydens die
eerste tien dae en daarna 2- 3 uurliks. Skryf daagliks die minimum
en maksimum temperatuur op.
2. Ondersoek kuikens om seker te maak dat hulle gesond is.
3. Tel dooie kuikens elke oggend en elke laatmiddag op.
4. Hou rekords van dooie kuikens en vergelyk met die standaard.
Indien daar 'n probleem is skakel die veearts.
5. Ondersoek die skropgoed. Draai indien dit nodig is en verwyder
nat kolle bv. waar drinkbakke lek.
6. Ondersoek toerusting en verseker goeie werkende toestand.
7. Monitor voerverbruik: gaan massavoerders se inhoud na.
8. Die ontsmetmiddel in die voetbaddens word daagliks vervang.
9. Onder 7 dae moet drinkbakke elke dag gewas word. Hierna is
elke tweede dag voldoende.
10. Vanaf 7 dae moet die voer- en drinkbakke elke tweede dag tot
die aanbevole hoogte verstel word. Voor 7 dae bly hierdie
toerusting plat op die grond.
5.12 Hantering van hoenders voor slag.
Voer word 4-6 ure voor die slagtyd onttrek. Dit sal voorkom dat kuikens
76
met vol kroppe die slagpale bereik. Vol kroppe bemors die karkas tydens
slagting en.is ook 'n blote vermorsing van voer.
Water kan een uur voor slag onttrek word.
Indien 'n huis meer as 5000 kuikens bevat is dit beter om die huis in
gedeeltes af te skort met 400 tot 500 mm hoe afskortings. Die afskortings
word elke 10 tot 15 meter geplaas. Die afskortings keer dat hoenders
mekaar dood trap.
Tydens die vangproses moet daar deurentyd verseker word dat hoenders
nie te veel ophoop en mekaar versmoor en doodtrap nie. Tydens sulke
ophopings kan die hoenders mekaar ook krap. Voldoende toesighouding
met genoegsame arbeid word benodig om dit te voorkom.
Die beste metode vir vang is om in baie flou lig te vang. In oop huise is dit
dus die beste om snags die hoenders te vang. Dowwe blou in plaas van
gewone wit ligte wat slegs tydens vang gebruik word help ook om die
hoenders te kalmeer.
Die hoenders word dan in kratte of ander geskikte vanghouers geplaas.
Maak seker dat die vereistes soos in Hoofstuk 4 beskryf nie oorskry word
nie.
Nadat al die hoenders en enige moontlike sterftes ook verwyder is kan
die skoonmaak van die huise 'n aanvang neem.
5.13 Was en ontsmet van huise.
Nadat 'n huis eers een keer kuikens gehad het is dit noodsaaklik om 'n
effektiewe skoonmaak- en ontsmetprogram te volg voordat kuikens weer
geplaas word. Dit word gedoen deur 'n aantallogiese stappe te volg:
1. Verwyder los toemsting.
Aile los toerusting bv. drinkbakke, buisvoerders en verhittingstoerusting
word verwyder. Voerstelsels wat met kabels en wenaste beheer word hoe£
nie verwyder te word nie maar moet opgelig word.
77