1 - Library

lei. Beide die amrnoniak en die beenprobleme kan gesamentlik of afsonderlik
borsblase veroorsaak.
Oneweredigheid.
1. Koue lei daartoe dat kuikens op 'n hoop sit en somrnige kuikens kom
nie uit die bondel om te gaan eet nie.
2. Die groottes van die dagoud kuikens wat ontvang is verskil te veel.
3. Enige siekte wat deur die huis gegaan het en sommige hoenders meer
as ander geaffekteer het.
4. Onvoldoende voerspasie.
Krapmerke.
1. Beenprobleme lei daartoe dat sommige hoenders oor ander klim wat
nie kan beweeg nie.
2. 'n Huis met kuikens wat oormatig skrikkerig is. Personeel moet altyd
rustig deur huise loop en nie vinnige bewegings maak wat die hoenders
verwilder nie. Dit help ook om ligte te verdoof wat waarskynlik
die rede is dat minder velkrappe in toe as oop huise gesien word.
3. Rowwe hantering tydens die vangproses.
4. Te hoe bevolkingsdigtheid.
Kolibasillose.
Sien Hoofstuk 8.
5.15 Afvalhantering.
Tydens die grootmaak- en wassiklus ontstaan daar heelwat afvalmateriaal
waarvan ontslae geraak moet word. Die proses om van die afval
ontslae te raak moet wetlik korrek wees en dit moet ander grondeienaars
in die omgewing in ag neem.
82
Mortaliteite.
Die daaglikse mortaliteite kan in 'n komrnersiele ontbindingsput gegooi
word. Hierdie putte voorkom reuke en vliee maar mag te klein wees vir
'n werklike groot braaikuikenplaas. Dan moet 'n ander oplossing gevind
word.
Die dooie hoenders kan in 'n gat begrawe word wat minstens 'n kilometer
weg van die plaas is en die dooie kuikens moet elke dag toegegooi
word.
Dooie kuikens kan ook na 'n newe-produkte aanleg geneem word waar
dit tot karkasmeel verwerk word. Hierdie is dikwels die beste oplossing
vir die groter produsent. Die mortaliteite moet altyd redelik vars wees
aangesien ontbinde karkasse 'n swak kwaliteit karkasmeel tot gevolg het.
Ou skaafsels en hoendermis.
Nat skaafsels wat uit die huise gedurende die grootmaakperiode verwyder
word moet van die plaas verwyder word. Dit kan as tuinkompos
gebruik word.
Skaafsels en mis wat aan die einde van die siklus verwyder word moet
ook minstens 5 kilometer weg van die plaas geneem word. Dit kan ook as
kompos gebruik word.
Soms sal boere die hoendermis as beesvoer gebruik. Die beeste moet dan
teen lamsiekte geent wees aangesien die organisme in die mis kan
voorkom. Koksidiose beheermiddels met die aktiewe bestandeel maduramisien
hou 'n gevaar vir beeste in. Raadpleeg eers 'n veearts of kry 'n
onderneming van die maatskappy wat die voerbyvoegings verskaf het
dat hulle produk veilig is vir gebruik in beeste.
Waswater.
Water van die wasproses wat sepe of ontsmetmiddels bevat mag nie in
natuurlike waterlope gestort word nie. Dit is 'n kriminele oortreding en is
volgens wet strafbaar!
83