1 - Library

hulle teen direkte sonlig beskerm word en voldoende ventilasie ontvang,
anders kan hulle doodgaan. Dit is verkieslik om waaiers te voorsien beide
waar die kratte met hoenders op die aflaaiplatform staan, sowel as waar
die vragrnotors of sleepwaens met lewende hoenders staan voor aflaai.
Weeg.
AI die hoenders moet geweeg word voordat hulle doodgemaak word.
Sodoende word rekord gehou van die plaas se prestasie en kan die
opbrengs, of uitslagpersentasie van die abattoir bepaal word.
Enige van die volgende weegrnetodes kan gevolg word:
1. Die vragrnotor met die lewende hoenders kan oor 'n weegbrug
gaan voor en na aflaai.
2. Elke krat kan op 'n platformskaal geweeg word en die lee krat se
massa word dan afgetrek.
3. Elke hoender kan individueel geweeg word deur 'n ingeboude
skaal op die slaglyn.
Ophang.
Hoenders word versigtig en rustig aan skakels
op die slaglyn gehang. Die skakels pas
om die hakgewrig van die hoenders sonder
dat dit deur die vel gaan. Die hoenders hang
nou onderstebo aan die slaglyn.
'n Dowwe beligting of blou ligte help om die
hoenders rustig te hou.
Was van kratte.
Die kratte waarin die hoenders na die slagpale
gebring is word nou gewas voordat dit
op die vragmotor gelaai en na die plaas Fig.(9-2) Ophangskakels.
146
teruggeneem word. 'n Spesiale kratwasmasjien is besonder geskik hier­
:oor. Die doel van die was van kratte is om die higiene van die slagproses
m stand te hou sowel as om te voorkom dat siektes van die abattoir na die
braaikuikenplaas versprei word.
Verdowing.
Verdowing word deur 'n
elektriese skok gedoen.
Die beste metode is om
die hoender wat onderstebo
hang en voortbeweeg
se kop deur 'n waterbad
met 'n elektriese stroom te
laat gaan. Die elektriese
skok moet voldoende
wees om die hoenders
behoorlik te verdoof maar
moet hulle nie doodmaak
nie. Die potensiaalverskil
Fig.(9-3) Kombineerde verdoof- en bloei
apparaat.
van die elektriese stroom is debateerbaar maar meestal word tussen 50 en
70 Volt benodig. Indien die elektriese stroom te sterk is en die hoenders
daardeur gedood in plaas van verdoof word, sal hulle !anger neem om uit
te bloei.
Met somrnige rituele slagtings bv. Kosher slagting word hoenders nie verdoofnie.
Doodmaak en bloei.
Die hoenders word doodgemaak deur die bloedvate van die nek te sny.
Die lugpyp en slukderm word nie gesny nie. Die snyproses kan deur
meganiese, roterende snyers of met die hand gedoen word.
Die hoenders moet vir minstens 90 sekondes bloei (Wet 121 van 1992). In
meeste slagpales word 'n bloeityd van ongeveer 90 tot 180 sekondes
gehandhaaf. Dit word gedoen bo-oor 'n bloeibak wat die bloed opvang.
Die bloeibak het ook hoe kante sodat bloed nie uitspat nie.
147