ethical trading handbook etiese handelskwessies handboek

KINDERARBEID EN
JONG WERKNEMERS
4
Van alle regte in terme van arbeidswetgewing, is die kwessie van kinderarbeid en jong werknemers seker die sensitiefste en mees
omstrede aangeleentheid. Verbruikers wil nie hoor dat hul huishoudelike benodigdhede, voedsel of huisraad die produk van
kinderarbeid kan wees nie.
Hoewel arbeidswetgewing van land tot land verskil en almal dit eens is dat kinderarbeid nie goedgepraat kan word nie, is die saak
meer ingewikkeld.
UNICEF skat dat sowat 246 miljoen kinders werk. Amper driekwart van dié kinders werk in gevaarlike plekke soos myne, met
gevaarlike masjinerie of gifstowwe. Dit is onaanvaarbaar, maar wat van gesinne wat so arm is dat hulle sukkel om te oorleef sonder
die kinders se inkomste? Sulke situasies kan ‘n belangebotsing tussen werkgewer en werknemer veroorsaak. Die etiese kode moedig
werkgewers aan om sulke gevalle met omsigtigheid te hanteer.
Suid-Afrikaanse wetgewing is duidelik oor die beginsel van die indiensneming van kinders en jong werknemers. Die wetgewing bied
riglyne vir die indiensneming van mense tussen die ouderdomme van vyftien en sewentien jaar. Die kwessie word internasionaal so
belangrik geag, dat dit deel is van die Internasionale Arbeidsorganisasie (IAO) se kernwaardes.
4 K I N D E R A R B E I D E N J O N G W E R K N E M E R S 2 7