ethical trading handbook etiese handelskwessies handboek

4. Billike werksomstandighede, bekend as Fair Working Conditions • Opgestel deur OLIVE met ‘n eie oudit en kode wat op
IAO-konvensies berus (sien www.fairworkingconditions.org).
5. SA 8000 • Die enigste geakkrediteerde sertifikasiestandaard vir sosiale verantwoordbaarheid ter wêreld.
6. Global Social Compliance Programme (GSCP) • Duplisering en meervoudige etiese oudits word as ‘n ernstige probleem deur
heelparty internasionale en plaaslike kleinhandelaars, soos Tesco, Walmart, Migros, Carrefour, COOP, Marks & Spencer en Pick ‘n Pay, beskou.
Die GSCP is in reaksie hierop gestig en streef om ‘n duidelike en konsekwente boodskap aan verskaffers wêreldwyd oor te dra; om die duplisering
van oudits te verminder deur vertroue by belanghebbendes in wederdsydse ouditeursverslae te skep; en om steun te bied aan die voortdurende
verbetering van werksomstandighede. Ter steun van die genoemde doelwitte, het die GSCP ‘n verwysingsraamwerk ontwikkel wat gegrond
is op die beste sosiale praktyke. ‘n Verwysingskode, ouditmetodologie en ouditeursbevoegdheid is ook daargestel. Met ander woorde, die
beste praktyke volgens bestaande kodes (soos ETI en BSCI) is saamgevoeg in ‘n enkele verwysingskode. Dieselfde geld vir die ouditmetode en
ouditeurserkenning. Hierdie verwysingsraamwerk kan onveranderd gebruik word deur inisiatiewe soos Vrugte Suid-Afrika (Fruit South Africa of
FSA) se etiese program. Dit behoort belangstelling te wek by belangrike kleinhandelaars. Tydens ‘n vorige FSA-werkswinkel oor etiese handel, het
belanghebbendes aangedui dat hulle die GSCP se verwysingsraamwerk goedkeur vir gebruik deur die vrugtebedryf se etiese program.
Hierdie aanbeveling word in 2011 landwyd aan produsenteforums gemaak. Die vrugtebedryf se aanvaarding van die GSCP se verwysingsraamwerk
beteken egter nie dat die ETI-oudits nie erken sal word nie; oudits wat op die ETI berus, word steeds deur kleinhandelaars in die VK erken.
Die bedryf moet egter verseker dat daar intussen ‘n ouditstelsel is wat deur alle kleinhandelaars, insluitend dié buite die VK, erken word.
WAT IS DIE SUID-AFRIKAANSE VRUGTEBEDRYF SE ETIESE HANDELSPROGRAM?
Vrugte Suid-Afrika bestuur ‘n etiese handelsprogram in Suid-Afrika, volgens internasionale standaarde. Dit is gemik op transformasie en voortdurende
verbetering op plase en in pakhuise. FSA verteenwoordig produsenteverenigings soos Hortgro Dienste, die Sitrus Kwekers Vereniging, die Suid-
Afrikaanse Subtropiese Produsentevereniging, die Suid-Afrikaanse Tafeldruif Industrie en die Varsprodukte Uitvoerdersforum (Fresh Produce Exporters’
Forum of FPEF). Die FPEF het ‘n lidmaatskap van sowat tagtig uitvoerders en saam ondersteun hierdie organisasies sowat 5 000 produsente en 400 000
werknemers.
1 E T I E S E H A N D E L I N D I E V R U G T E B E D R Y F 3