ethical trading handbook etiese handelskwessies handboek

ETIESE HANDEL IN
DIE VRUGTEBEDRYF
1
Etiese handel beteken verskillende dinge vir verskillende mense. Party gebruik die term om in die algemeen te verwys na enige
besigheidspraktyk wat sosiaal- en/of omgewingsverantwoordelike handel ondersteun. Ander gebruik dit om spesifiek te verwys na
sosiale en arbeidspraktyke in die voorsieningsketting.
Hierdie handboek is egter toegespits op sosiale en etiese arbeidspraktyke.
Etiese handel verseker verbruikers dat die werksomstandighede van almal in die voorsieningsketting aan aanvaarbare internasionale
standaarde voldoen. Verskaffers wat ‘n kode van arbeidspraktyke aanvaar, word verbind tot etiese handel. So ‘n kode vereis dat aan
minimum arbeidstandaarde voldoen word. Dit spreek ook kwessies soos lone, werkure, gesondheid, veiligheid en die reg om aan ‘n
vakbond te behoort, aan.
Die etiese gedragskode is nie nuwe wetgewing wat deur die internasionale gemeenskap bedink is nie. Die vrugtebedryf se etiese
program gebruik ‘n kode wat gebaseer is op internasionale konvensies en Suid-Afrikaanse arbeidswetgewing, wat ook op hierdie
konvensies berus. Voldoening aan die betrokke Suid-Afrikaanse wetgewing beteken noodwendig voldoening aan die vereistes van
die internasionale etiese kode.
1 E T I E S E H A N D E L I N D I E V R U G T E B E D R Y F 1