Service to manage wildlife disease - AFGRI

die sinergistiese effek van verskillende fermentasietempo’s
wat in herkouervoeding benut moet word om
optimumproduksie te verkry.
In die meeste herkouervoere word ureum as proteïenbron
gebruik en daarom is die rol van vinnig fermenteerbare
koolhidrate, soos gevind in sitrusmelassemeel, van
groot belang. Die vinnige fermentasietempo van suikers
en oplosbare vesel verhoog die benutting van stikstof
deur die rumen-mikrobes. Die verhoogde benutting
bied ook die voordeel dat die risiko van ureumvergiftiging
dramaties verlaag word.
Vir optimale benutting van ureum is klein hoeveelhede
verteerbare energie noodsaaklik. Soms is dit ook nodig
om groot hoeveelhede energie aan te vul, soos vir jong
groeiende diere of lakterende koeie op winterweiding.
Indien hierdie energie deur groot hoeveelhede styselbronne
(grane) aangevul word, word verteerbaarheid
en inname van winterweiding gewoonlik onderdruk. In
so ‘n geval word die beste resultate verkry met maklik
verteerbare energiebronne soos sellulose (semels), oplosbare
vesel (sitrusmeel) of sukrose (melasse). Dit is dan
uiters voordelig om sitrusmelassemeel te voer.
AFGRI Veevoere se lekaanvullings is gebaseer op maklik
verteerbare sellulose en sukrose as draers en word
uitstekend aangevul met sitrusmelassemeel.
Handhawing van ‘n gunstige rumen-pH is baie belangrik
by melkkoeie en voerkraalbeeste om optimumproduksie
te verseker. Deur ‘n gedeelte van die styselbevattende
grane met sitrusmelassemeel te vervang, word ‘n gunstiger
rumen-pH geskep en asidose voorkom.
Die hoër asynsuuropbrengs weens die insluiting van
sitrusmelassemeel bevorder ook die bottervetopbrengs
in melk.
Voorspellings volgens Cornell se Netto Koolhidraaten
Proteïenstelsel-model (met die Engelse afkorting
CNCPS) toon ‘n verhoogde melkproduksie van 300 g
waar tradisionele melassemeel met sitrusmelassemeel
teen 8% in ‘n Totaal Gemengde Rantsoen (TGR)
vervang is. ‘n Verhoging van 500 g melk word voorspel
waar tradisionele melassemeel met sitrusmelassemeel
teen 2 kg-aanvulling op aangeplante weiding vervang
word.
Sitrusmelassemeel kan ook met groot welslae in die
diëte van kalwers, skape en bokke ingesluit word.
HOE OM DIT TE GEBRUIK
• Alle aanbevelings vir melasse- of melassemeelinsluitings
in AFGRI Veevoere se produkhandleidings
of deur adviseurs kan direk (1:1) met sitrusmelassemeel
vervang word.
• 2-6 kg sitrusmelassemeel vir beeste en 350-850 g
sitrusmelassemeel vir skape dien as uitstekende
aanvullende energiebron op weidings en is ook
minder verplasend op weidingsinname as grane wat
‘n beter nutriëntprofiel as tradisionele melassemeel
het.
27
LANDBOUFOKUS
• 8-45% sitrusmelassemeel kan in voerkraaldiëte vir beeste ingesluit
word en 8-30% in skape s’n.
• 8-20% sitrusmelassemeel kan in suiweldiëte ingesluit word.
• Vir perde kan 2-4 kg sitrusmelassemeel per perd/dag saam met
goeie weiding of ruvoer gevoer word.
• 8% sitrusmelassemeel kan in volstruisdiëte ingesluit word.
VOORDELE
Sitrusmelassemeel bied op sy eie en in die AFGRI Veevoere-produkreeks
bepaalde voordele bo die tradisionele melassemeel.
• Suikers en oplosbare vesel as energiebronne het 'n sinergistiese
werking met ander energiebronne.
• Melasse is 'n ryk bron van minerale, spoorelemente en veral Bvitamiene
in 'n hoogs opneembare vorm.
• Sitrusmelassemeel is ‘n los en baie maklik mengbare produk.
• Sitrusmelassemeel verseker hoëkwaliteit-sitrusmelasse en ingevoerde
suikermelasse in 'n hanteerbare vorm aan die boer.
• Sitrusmelassemeel kan in geval van ruvoertekorte 'n noodsaaklike
gedeelte van die vesel voorsien.
• Sitrusmelassemeel verseker 'n baie akkurate insluiting van melasse
in diëte.
• Sitrusmelassemeel is baie smaaklik, bind stof en verhoog dus
inname.
• Sitrusmelassemeel verhoog bottervet in melk.
Vir meer besonderhede en kundige advies kontak AFGRI Veevoere
se naaste tegniese adviseur of die hoofkantoor by 011 281 3600.