Omsendbrief 04 - Hoërskool Bastion

Veiligheid Veiligheid en en en Sekuriteit:
Sekuriteit:
Leerdervoertuie:
Leerders is genoeg tyd gegee om die nodige toestemming te verkry om voertuie en
motorfietse binne die skoolgronde te parkeer. Leerders wat nie die nodige toestemming
het nie, sal buite moet parkeer. Die proses is nodig om kontrole en beheer uit te oefen
en u samewerking in die verband word waardeer.
Veiligheid:
Om veiligheidsredes word die skoolhek soggens om 07:25 gesluit. Leerders wat laat
kom sal aangespreek word. Veral leerders met voertuie en motorfietse maak hulle
skuldig aan laat kom. Om die hekke weer oop- en toe te sluit verg onnodige
mannekrag, dus versoek ons leerders om asseblief betyds te wees.
Dankie aan ouers wat gedurende spitstye, veral by die Zebra-oorgang voorrang gee
aan leerders. Sommige leerders verontagsaam die padreëls, dus moet ons ook daarop
ag slaan.
Elkeen is verantwoordelik vir sy eie veiligheid. Dit is belangrik dat leerders nie alleen
buite die skoolgronde vir hulle ouers wag nie. Die sigbare gebruik van selfone skep ook
‘n gevaar.
Media:
Media:
Die amptelike opening is Maandag, 4 Februarie 2013. Kom besoek ons vir alle
naslaanwerk, internetdienste, leeshulp en ontspanning.
Vervoer: ervoer:
Busgeld vir Februarie 2013
Oggend en middag: 20 ritte @ R20-00 per dag = R400-00
Slegs oggend of middag: 20-ritte @ R10-00 per dag = R200-00.
Die 10-ritte kaartjie kos R115-00.
Enkelritte: R14:00.
Sportritte: R14-00
Maatskaplike Maatskaplike Dienste:
Dienste:
Ons hoor so dikwels “Ek sal vergewe, maar vergeet nooit!”
Dikwels word ons lewensvreugde en lewenskwaliteit gekniehalter deur ons onvermoë
om te vergewe.
Ons deel graag die volgende wenke met u soos saamgevat deur Denise George in Die
ware hart van vergifnis (Leef Februarie 2009):
1. Erken die seer: As iemand jou doelbewus te na kom, moenie probeer om die seer
en die impak daarvan weg te praat nie. Erken die pyn – ook hardop teenoor God.
In die Woord belowe Hy: “Die Here is naby die gebrokenes, Hy help die
moedeloses” (Psalm 34:19). En in Psalm 147:3: “Hy genees die gebrokenes van
hart en verbind hulle wonde.”
4
2. Noem die skuldige by naam: As iemand jou per ongeluk te na kom, het sy of hy
dit nie met opset gedoen nie, en is vergifnis dus nie nodig nie. Maar as iemand jou
doelbewus seergemaak het, is die pyn wat veroorsaak is, met opset. Sê hardop: Ek
blameer jou, (naam van persoon), want jy het my met opset seergemaak.” Deur die
blaam op die regte persoon te plaas, berei jy jouself voor vir die proses van
vergifnis,
3. Skryf die skuld af: Jy het erken dat jy seergekry het, en hou met reg die skuldige
daarvoor verantwoordelik. Nou moet jy daadwerklik kies om daardie persoon se
skuld af te skryf. Soek ‘n stil plekkie op en vra God om jou te help om die persoon
te vergewe. Jy kan bid soos in Matteus 6:7 – 13, en oor vers 12 mediteer: “... en
vergeef ons ons oortredings soos ook dié vergewe wat teen ons oortree.”
Nadat jy gebid het en steeds alleen is, verklaar hardop jou voorneme om te
vergewe: “(Naam van persoon), ek besluit om jou te vergewe vir dit wat jy aan my
gedoen het; ek besluit om jou vry te spreek van enige skuld.”
So gee jy die eerste tree op die paadjie van vergifnis.
Vergifnis kan so ‘n verskil maak in ons huwelik, in ons verhouding met ons kinders en
medemens en die algemeen. (Die volledige artikel is by Me Lubbe beskikbaar.)
Datums Datums vir vir vir die die yskas:
yskas:
Vrydag, 1 Februarie • Atletiekbyeenkoms vs Linden te UJ.
Saterdag, 2 Februarie • Sentraal Gauteng Klubatletiek te UJ.
Maandag, 3 Februarie • “Rocking the Future” loopbaanskou in die saal.
Dinsdag, 5 Februarie • Toetsdag
• VLR verkiesing
Woensdag, 6 Februarie • D2-Cluster Atletiekbyeenkoms (tuis).
• Skool sluit om 13:30 as gevolg van die atletiek.
Donderdag, 7 Februarie • Verlengde akademie tot 14:30.
• Aktiwiteitsperiode verval as gevolg van laerskole
atletiek op ons velde.
• Graad 12-ouerinligtingsaand om 18:00 vir 18:30
in die saal.
Vrydag, 8 Februarie • Atletiekbyeenkoms vs Randburg te Ruimsig.
Saterdag, 9 Februarie • Sentraal Gauteng Klubatletiek te Ruimsig.
Sondag, 10 Februarie • Midmar-myl swem
Maandag, 11 Februarie • Skool sluit om 13:30 as gevolg van personeelopleiding.
Lief Lief Lief en en en Leed:
Leed:
Sterkte aan Me H Furstenberg wat ‘n operasie ondergaan het. Ons vertrou dat sy gou
weer beter sal wees.
Sterkte aan ons Beheerliggaam voorsitter, Mnr T Naudé wat ‘n operasie ondergaan het.
Spoedige beterskap word hom toegewens.