Laai boek af : PDF - Ekklesia Kasettefonds Trust

Gaan praat met ʼn Rooms-Katoliek vandag en sê vir hom die Pous is
‘n godloënaar. Hy sal dit vir jou baie, baie kwalik neem en jy sal ook
‘n baie groot fout maak want die Pous is nie ʼn God nie, hy glo in
God, maar nou sal ons sien wat hy doen. Daarom, hierdie man wat
voorgee dat hy God is, is nie ʼn Godloënaar nie.
Een van sy titels is: “My Lord God the Pope” – “My HERE GOD die
Pous”, hy dra dit as een van sy titels op sy mus. Dit staan daar
geskrywe. Nou, is dit nie Godslastering nie? Maar tog glo hy aan
God. Maar dit is een van sy titels omdat hy sonde op die aarde kan
vergewe.
Sy “Kroon” die groot ding wat hy op sy kop het, is in drie afdelings
(kyk mooi wanneer u weer ‘n foto van die Pous sien en u sal dit sien)
sy kroon is in drie afdelings en staan vir die Vader, die Seun en die
Heilige Gees.
Vergelyk Daniël 7:25;
25 En hy sal woorde spreek teen die Allerhoogste en die
heiliges van die Allerhoogste mishandel; en hy sal probeer
om tye en wet te verander, en hulle sal in sy hand oorgegee
word gedurende ‘n tyd en tye en die helfte van ʼn tyd.
Nou goed, ek weet dit het baie meer verduideliking nodig as net die
lees van hierdie versie. En dit sal weer na vore kom net ‘n bietjie
verderaan. Maar dit is een van die dinge wat die Pous gedoen het
dat hy “tye en wette” verander het toe hy oppermagtig geword het en
dat hy woorde tot die Allerhoogste spreek en dat hy die heiliges
mishandel het – 50 miljoen is vermoor in die tyd 1260 jaar toe die
Pous oppermagtig was. Feite van die Geskiedenis.
Ek het daar in my Biblioteek, 8 dik volumes van ‘n welbekende,
erkende, gesaghebbende reeks boeke wat geskrywe is deur Foxe, -
“Foxe’s Book of Martyrs” jy kan ʼn verkorte weergawe daarvan by ‘n
boekwinkel bestel. Hy sal vir jou party van die dinge beskrywe bv. in
die boek van “Foxe’s Book of Martyrs” beskryf hy vir jou hoe elkeen
van die apostels aan hulle einde gekom het, hoe hulle gemartel is
en so aan. Dit is skrikwekkend, maar dit is baie insiggewend. Hy
vat vir jou die martelaarskap dwarsdeur die tyd van die heidense
Romeinse Keisers en die martelaarskap dwarsdeur die tyd van die
Kerk van Rome.
11