Laai boek af : PDF - Ekklesia Kasettefonds Trust

Daar is hier nie sprake daarvan dat die wêreld nie sal sien en alles sal
weet aangaande die Wederkoms nie, maar eenvoudig net dat dit
hulle onverwags sal oorval. Maar nie vir die kinders van die HERE
nie, wat waaksaam is.
(Let wel, Paulus praat hier van “DIE DAG VAN DIE HERE” wat NIE
IDENTIES met die “WEDERKOMS VAN CHRISTUS” is nie. Ons sal
dit in ‘n afsonderlike Studie behandel).
Die feit dat die Wederkoms nie vooraf aangekondig word nie is glad
nie strydig met die feit dat dit gepaard sal gaan met hoorbare en
sigbare tekens nie.
1 Tessalonicense 4:16;
16 Want die Here self sal van die hemel neerdaal met ‘n geroep,
met die stem van ‘n aartsengel en met geklank van die basuin
van God; en die wat in Christus gesterf het, sal eerste
opstaan.
En ook: Openbaring 1:7;
7 Kyk, Hy kom met die wolke, en elke oog sal Hom sien, ook
hulle wat Hom deursteek het - - - - -” –
Ons glo dat die feit dat Christus onverwags “soos ‘n dief” kom,
heeltemal inpas by die beskrywing van sy koms met “ ‘n geroep” en
met “groot krag en heerlikheid” - (Matt. 24:30). Die hele toneel is van
EEN wat skielik kom, en op so ‘n manier dat die hele wêreld van die
gebeurtenis sal weet, beide die wat gereed is en die wat onvoorbereid
is.
Onder watter groep bevind u uself?
Daar is geen Skriftuurlike grond om die Wederkoms in twee fases of
gebeurtenisse te verdeel nie. Wanneer ons na die ander Skrifte
aangaande die “Verdrukking” kyk, dan sien ons baie duidelik dat dit
nie na die Opraping kom nie, maar voor dit.
Sien Lukas 21:26-28; ons lees maar vanaf vers25;
25 EN daar sal tekens wees aan die son en maan en sterre, en op
die aarde benoudheid van nasies in hulle radeloosheid,
wanneer see en branders dreun,
26 en mense se harte beswyk van vrees en verwagting van die
dinge wat oor die wêreld kom. Want die kragte van die hemele
sal geskud word.
27