INLIGTINGSTEGNOLOGIE (IT)-BELEID - Cape Agulhas Municipality

___________________________________________________________________________________________________________
Bladsy 12 van 56
KLASSIFISERING
Inligting moet volgens vlak van sensitiwiteit gekategoriseer word en ooreenkomstig gepaste vereistes
beskerm word as deel van die risikobestuursproses. Die sensitiwiteitklassifikasiestandaard moet
regoor die Munisipaliteit gebruik word om te verseker dat die vlak van beskerming ooreenstem met
die kontroles wat nodig is (sekerheidsmeganismes) om die inligting teen openbaarmaking te beskerm
(vertroulikheid), modifisering (integriteit) en / of vernietiging (beskikbaarheid en gebruik).
VERTROULIKHEID
Die vertroulikheid van alle data, afhangende van die inligtingsekerheidsvoorskrifte sal voor
versending oor netwerke beskerm word en waar aangedui, terwyl sodanige data gestoor word.
Tensy dit deur Bestuur gemagtig word, mag inligting nie aan ongemagtigde indiwidue, entiteite of
prosesse beskikbaar gestel of openbaar gemaak word nie.
Maatreëls moet geïmplementeer word om inligtingsbates teen ongemagtigde toegang,
openbaarmaking, kopiëring, snuffelary, afluistering en /of diefstal te beskerm.
BESKIKBAARHEID
Die voortgesette beskikbaarheid en bruikbaarheid van dienste ooreenkomstig die organisasie se
vereistes moet verseker word deur gepaste maatreëls te implementeer om die verlies van data as
gevolg van die optrede van persone, stelselonklaarraking of rampe te voorkom of daarvan te herstel.
Alle inligtingsbates moet beskerm word teen:
Vernietiging, skade of infektering
Weiering van gemagtigde / regmatige toegang
Vertraging van gebruik of toegang
Natuurrampe
Rekenaarvirusinfeksies