INLIGTINGSTEGNOLOGIE (IT)-BELEID - Cape Agulhas Municipality

Tensy spesifiek gemeld, bied die Munisipaliteit geen tegniese ondersteuning vir persoonlike (tuis-)
rekenaars nie.
Wagwoorde moet geheim gehou word en mag onder geen omstandighede openbaar gemaak of aan ’n
ander gebruiker oorgedra word sonder om die amptelike aansoekproses te volg nie.
Daar word van gebruikers verwag om alle sekerheidsbreuke of vermeende sekerheidsbreuke by die
Bestuurder van IT en hul onmiddellike Bestuurder aan te meld.
Die gebruikerrekening mag nie gebruik word om enige onwettige bedrywighede te pleeg nie. Dit is
die verantwoordelikheid van Bestuur om toe te sien dat die sekerheidsbeleide doeltreffend aan
gebruikers gekommunikeer word ten einde aanspreeklikheid te vestig.
Die rekenaar moet met die nuutste anti-virusagent wat deur die Munisipaliteit aanvaar word, gelaai
word. Munisipale werknemers kan ’n afskrif by die IT-departement kry.
Gebruikers sal aanspreeklik gehou word vir optrede wat onder die spesifieke gebruikerprofiel geneem
word.
Gebruikers mag nie hul rekenaars met ’n oop sessie onbeman laat nie. Gebruikers moet afteken, ’n
wagwoordskermbewaarder (‘screen saver’) aktiveer, of die skerm sluit wanneer die rekenaar
onbeman is terwyl dit nog aangeteken is.
Gebruikers moet kopiereg, handelsmerke, lisensies en verwante wetgewing respekteer.
Die diens moet gebruik word op ’n wyse wat nie met ander netwerkgebruikers, dienste en / of
toerusting inmeng of dit ontwrig nie.
___________________________________________________________________________________________________________
Bladsy 22 van 56
WETLIKE EN REGULERENDE VEREISTES
Alhoewel die persoonlike gebruik van die Munisipaliteit se inligtingstelsels binne perke toegelaat
word, word misbruik van hierdie stelsel en die gebruik van obsene, rassistiese of andersins
aanstootlike stellings streng verbied.
Die Munisipaliteit moet binne die grense van statutêre wette en regulasies funksioneer en daaraan
voldoen. Waar van toepassing, geld internasionale wette ook (bv. VISA / MasterCard Standaarde).