INLIGTINGSTEGNOLOGIE (IT)-BELEID - Cape Agulhas Municipality

wanneer boodskappe aangestuur word. Sensitiewe inligting moet aan geen party buite die
Munisipaliteit aangestuur word sonder die voorafgoedkeuring van ’n Departementele
Bestuurder nie. Willekeurige aanstuur van boodskappe aan partye buite die Munisipaliteit
word verbied tensy die vooraftoestemming van ’n Departementele Bestuurder verkry is en
dan moet die boodskap deur die IT Netwerkadministrateur versprei word.
___________________________________________________________________________________________________________
Bladsy 50 van 56
HANTERING VAN INLIGTING RAKENDE SEKERHEID:
Gebruikers moet spoedig alle inligtingsekerheidsalarms, waarskuwings, vermeende
kwesbaarhede, ensovoorts by die IT-departement rapporteer. Gebruikers word verbied om
die Munisipaliteit se stelsels te gebruik om sodanige inligting aan ander gebruikers aan te
stuur, ongeag of die ander gebruikers intern of ekstern tot die Munisipaliteit is.
OPENBARE VERTOË:
Geen media-advertensie, Internet tuisblad, elektroniese kennisgewingbordboodskap,
elektroniese posboodskap, stemboodskap, of enige ander openbare vertoë oor die
Munisipaliteit mag uitgereik word tensy dit eers deur die toepaslike goedkeuringskanale is
nie. Toestemming moet deur die toepaslike Departementele Bestuurder verleen word, en
moet dan deur die IT Netwerkadministrateur uitgereik word.
GEBRUIKERRUGSTEUN:
Indien ’n elektroniese posboodskap inligting bevat wat toepaslik is vir die afhandeling van ’n
transaksie, dit potensieel belangrike verwysingsinligting bevat, of ’n waarde het as bewys vir
’n Munisipale Bestuursbesluit, moet dit vir toekomstige verwysing behou word. Die meeste
elektroniese posboodskappe val nie in hierdie kategorieë nie en kan dus na ontvangs geskrap
word. Gebruikers moet gereeld belangrike inligting uit elektroniese posboodskaplêers na
woordverwerkingsdokumente, databasisse en ander lêers oorplaas. Elektroniese
posboodskapstelsels is nie bedoel vir die argiefbewaring van belangrike inligting nie.
Belangrike gestoorde elektroniese posboodskappe kan periodiek deur stelseladministrateurs
verwyder word, per abuis deur gebruikers geskrap word en andersins verlore gaan wanneer
stelselprobleme voorkom.