INLIGTINGSTEGNOLOGIE (IT)-BELEID - Cape Agulhas Municipality

___________________________________________________________________________________________________________
Bladsy 26 van 56
N E T W E RKS E K E R H E I D B E L E I D
DOEL
Die doel van hierdie Beleid is om ’n vaste fondament te voorsien vir die ontwikkeling, implementering
en instandhouding van veilige praktyk in KAAP AGULHAS Munisipaliteit se netwerkomgewing.
AGTERGROND
Netwerksekerheid behels die beskerming van die Munisipaliteit teen die bedreigings wat gemagtigde
en ongemagtigde netwerkaktiwiteit inhou. Die bedreigings neem toe as gevolg van die onderlinge
verbinding van netwerke en die samekoms van verskillende netwerkdienste (stem, data ens.) wat dit
moeilik maak om grense rondom die Munisipaliteit af te baken en beheer uit te oefen vir die
beskerming van interne bates.
Onbewustheid van die risiko dat eksterne verbindings die gevaar van ’n sekerheidsbreuk kan verhoog,
hou opsigself ’n risiko in. Netwerkverbindings moet dus beskerm word op ’n vlak wat met die risiko
ooreenstem. Daar moet aanvaar word dat verbindingspartye tot ’n sekere mate vyandig is en streng
beheer moet word om te verseker dat die toegang waarvoor die verbinding ooreengekom is,
gehandhaaf word.
BESTEK
Hierdie Beleid is van toepassing op alle netwerkadministrateurs, tegniese en
instandhoudingspersoneel, ontwerpers en die eienaar van die Munisipaliteit se netwerk. Die
netwerksekerheidsbeleid word as deel van die Munisipaliteit se IT-beleid beskou.