Amanda Buys se Geestelike Dekking - Kanaan Ministries

Ek bely en verloën die oortuiging in en verkryging van
kaivalya, wat bevryding is, eerstens van die wëreld van
verskynsel, dan van gedagtes van self en laastens van die
gees se verstrengeling met substansie. Ek verloën die
uitvoering van verstandelike en fisiese prestasies en selfs
die verandering in die verloop van die natuur.
Ek verloën my geloof in die ‘Wiel van die Lewe’ (Wheel of
Life) en sny myself daarvan los in die Naam van Jesus.
Ek verloën my geloof in re-inkarnasie en ek sny myself los in
die Naam van Jesus van vorige lewens wat ek nou erken as
spesifieke demone wat bonatuurlike kennis besit. Ek verloën
die persoonlikheid wie ek geglo het ek was (noem dit).
Ek sny myself los van die spesifieke vlakke van geestelike
realm en vlakke van daardie geestelikheid wat ek bereik het.
(Daar is 7 volgens New Age). Ek gee elke “gawe” en alle
“wysheid” wat ek ontvang het van die boom van kennis van
goed en kwaad terug aan satan.
Ek verloën elke god oor elke spesifieke vlak voor wie ek
gebuig het (bv. godin van die dood, mag en siekte – Kali). Ek
verloën Shiva – god van vernietiging, ook bekend as god van
lig (The light of Shiva).
Ek verloën die Owerheid oor alle Oosterse godsdienste,
naamlik Boeddha en sny myself van hom los, in Jesus Naam.
Ek verloën alle boeke / leesstof / video materiaal wat ek
bestudeer het om meer kennis en wysheid op te doen oor
Joga, Meditasie ens. (Bv. The Prophet, ens.)
In die naam van Jesus verloën ek my geloof in die noodlot /
lotsbestemming / bestiering. Ek aanvaar volle
verantwoordelikheid vir my sondes en erken satan as ‘n dief,
moordenaar en verwoester. (Joh.10:10)
Ek bely my volle afhanklikheid van Jesus Christus deur Wie
alleen ek gered kan word. Ek bely dat Hy die enigste Weg,
die Waarheid en die Lewe is. (Joh 14:6). Ek vra om
vergifnis vir die ontkenning van die Bloed van Jesus wat die
enigste reinigingsmiddel vir sonde is.
10