November - Historische Kring Haaksbergen

379
die er woonde van l mei 1927 tot 30 april 1953, Intussen was Johanna
Frederika Bos gehuwd met Gerard Berenbroek en dit echtpaar ging in
1953 weer op hun boerderij wonen. Hun zoon Herman J. Berenbroek is de
huidige bewoner.
W.E, ten Asbroek - J. Leusink - J. Overbeeke
MET 'N SIK OP TRAD
"Chrisken, zou je ook een geit kunnen melken", vrög domeneer Van
Deepstegen anziene maagd, waorhee alleene met huzen, ne reetelijke vlotte
deerne van zo'n doezendwekke, met arme an 't lief dee zik reurn
konnen en ogen in 't heuf, dee dwars duur oew hen kekken en dee noo 'n
veerdel joar biej 'n Geurser domeneer deenen, "Wo meen iej dat zo
domeneer? Wiej hebt joch gin sik en in onze hele boerschop vin iej gin
seege". "Ja, zie je", vervolgen 'n domeneer, "ik heb al een hele tijd last
van mijn maag, lang voor je hier was. De laatste tijd is dat erger
geworden en nu ben ik al naar de dokter geweest, die mij aanraadde
geitenmelk te drinken. Daarom had ik het plan een geit aan te schaffen. Nu
is de vraag of jij zo'n beestje kunt melken", "No, dat hek nog nooit
edoane, domeneer, Biej Doarnsboer, woar ik dree joar edeend hebbe
vuur dak hier kwamme, mos ik elken morgen en aovend veer beeste
melken en dan zok neet eenen elk kennen melken! Wat andere vrouwleu
kont, kanikok, Da's meer ne kwestie van anpakken", "Zo mag ik het
horen, Chrisken, maar nu de geit, Ik heb zonet al van je gehoord, dat er in
ons hele kerspel geen geit wordt gevonden, Zou jij je vader eens willen
vragen of die kans ziet aan een geit te komen ? Hij is nogal van alle markten
thuis en ver in de omtrek "kunnig", zoals je al vaker verteld hebt",
"Morgenaovend, mienen oet-gaonsaovend, dan sprêk ik vader wal, dan
za'k um voort vraogen of den ons an ne sikke helpen kan", dee de maagd
'n domeneer bescheed.
To Chrisken den anderen aovond verniejen wat 'n domeneer van plan was,
zee eur vader, too hee 'n heel störmken in de kleunige kollen van 'tveur
had ekekken, as zoog hee daor de sikskes rond tommeln, "dat zal neet
makkelijk goan, in onze hele naoberschop vin iej joch geen seege". Meer
dan opeens zegge: "Dat tref mooi, de ankommende wekke is 't karmse in
Greunwald, veur wat leu den hoogsten feestdag van 't jaor. Verleden jaor
trof ik daor nog ne vrouwe an, dee op zondag an 't kaarnen was. Ik kon
neet laoten te zeggen: "Vrouwe, dat geet nooit good, op zondag kaarnen',"
Wat meen iej da'k tot bescheed kreege? Praot der miej neet van, ik heb 't
op de karmse wal es edaone! No dan, met Greunwaldse karmse bunt der
heupe, dee dan 'n sik te gelde maakt vuur 'n tearstuuver. Daor zak wisse
wal slagen". Daags veur de karmse ging Chrisken eur vader, 't
kistentuug an, nao Greunwald en tegen d'n aovend kumpe