Doarpskompas_februari 2021

Lunchcafé De Ferbining wol doarp ferbine
It wie in idee dat al langer spile by Martina Tolsma en
Gooitzen Hager. In hoareka wurkplak yn
Feanwâlden foar minsken mei in beheining. Allinnich it
finen fan in geskikt pand wie it wêrom dat it efkes
duorre. No ha se in plak fûn. It stasjonsgebou wolle se
ferbouwe ta in lytsskalich Lunchcafé. Mei de namme
De Ferbining.
De Ferbining meitsje
“Al sa’n fjouwer jier binne wy der mei dwaande.” fertelt
Gooitzen, dy’t yn de befeiliging wurket. Sels de âlde
Rabobank, dêr’t no de toskedokter yn sit, kaam by har yn
byld, mar dat slagge net. Martina stiet yn Damwâld foar
de klasse as dosint Zorg en Welzijn op VSO De Wingerd.
“De bern wolle graach troch yn de hoareka en
skjinmeitsje. Mei dit lunchkafee wolle wy har en
oaren mei in beheining de kâns jaan om te wurkjen yn de
mienskip. Doel is dat se sels safolle mooglik de
wurksumheden ûtfiere ûnder lieding fan ús.” Dat is wat
de polityk graach wol, bern en minsken mei in beheining
ynsette yn it gewoane bedriuwslibben. “Faak slagget dat
net omdat de ûndernimmingen te grut binne en se deryn
fersûpe. Dêrom hâlde wy it lyts.” jout Martina oan. “It moat
by ús like smûk wurde as de omkriten fan ús doarp.” follet
Gooitzen oan.
Gooitzen: “Toeristen, reizgers en ús wurknimmers wolle
wy ferbine mei-elkoar en it doarp. Der stiet no in moai
Transferium en it park moat de kommende tiid noch
ûntwikkele wurde. Mei in leech stasjongebou soe der
neat barre. Dêrom wolle wy der graach wêze om kofje of
in lunch te ferkeapjen.” Fierder kin De Ferbining ek
catering fersoargje. It kafee sil seis dagen yn ‘e wike fan
07:00 - 17:00 oere iepen wêze. “Der binne al sân
ynteressearre dy’t graach yn it stasjonskafee wurkje
wolle.” seit Martina.Men kin fia de website of mail kontakt
mei ús sykje foar mear ynformaasje of een ôfspraak.
It giet om 8 - 10 deidielen deis wurk en dus binne der
tsien oant fyftjin minsken nedich. Foar de keuken,
spielkeuken, betsjinning en skjinmeitsje. “Fierderop yn
itdoarp isin eigen grientetún. Dy grienten wolle wy ek
brûke yn de keuken. Wy sille ek helpe by it skjinhâlden
fan it park.” seit Gooitzen. Martina: “As wy ek noch
blommen yn de tún sette kinne dy letter yn in faas op de
tafels.”
It wurkje mei in beheining freget faak in soad werhelling
en it brûken fan helpmiddels. Piktogrammen binne in
goed foarbyld dêrfan. “Rekkenjen is soms lêstich en op
de kassa binne ôfbyldingen te sjen fan bankbiljetten en
munten. As de klant in tientsje jout drukt de meiwurker
dêr op en kin dan op it apparaat sjen yn bylden hokker
biljetten en munten werom jûn wurde moatte.” Gooitzen:
“Ek it kofjeapparaat is oars. In kofje ferkeard wurdt
ôfbylde as in kopke op de kop. Dat is dúdliker.”
De ûndernimmers ha ek kontakt hân mei Doarpsbelang.
“Wy wolle ús passy graach ferbine nei wat it doarp freget.
Nei foaren kaam ûnder oare in plak om by elkoar te
kommen foar bygelyks in jierdeifeestje fan beppe. Dat
kinne wy op ôfspraak yn de jûnsoeren regelje. Ien fan
deynteressearden joech oan dat wol te wollen. ‘Ik wil echt
werken, want ik wil moe zijn.” Dat se dat dwaan kinne en
meie jout har in soad foldwaning.”
In foardiel fan it plak is dat meiwurkers troch de ferbining
mei it iepenbier ferfier faak selsstannich nei it wurk
takomme kinne. De measten dy’t ynteressearre binne
sille dat ek sels dwaan. Foar dyjinge dêr’t it net mooglik is,
wolle se it ferfier regelje.
Gooitzen:“In soad âlde minsken fine it lêstich om te
reizgjen mei de OV-chipkaart. In idee is om gearkomsten
te organisearjen dêr’t se fan ús minsken útlis krije kinne.”
Kontakten hjiroer ha al mei Arriva west.
Ferbou fan it stasjonsgebou
De ferbou fan it stasjon giet yn oerlis mei meardere
partijen. De eigendom is yn hannen fan de NS. Arriva as
ferfierder en de gemeente as fergunnigferliener wurdt
fierders mei oerlein. Om’t it pân in unyk ûntwerp is fan
arsjitekt is C. Douma is foar de ferbou it arsjitekteburo
Karres en Brands der by helle. “Oan de bûtenkant mei neat
feroare wurde. Sa binne de reade pilaren en de skoarstien
mei klok ûnder oare kenmerkjend foar it ûntwerp.”
20