Trygg Havn - den indre sjømannsmisjon

Reportasjer Reportasjer
Spennande oppfølging av møta på Elieser:
Elieserkvelder i Kvalsvik og Moltustranda
Av Andre Sætre og Håkon C. Hartvedt
Samling med sterkt åndeleg fellesskap og innhald på Kvalsvik og Moltustranda bedehus
har følgt i kjølvatnet etter den lange perioden med møte om bord i Elieser.
I fjor sommar og utover hausten vart «Elieser 6»
liggjande i Herøy i over 4 månader, og det vart halde
over 70 møtesamlingar om bord. Det var jamt
mykje folk som gjekk på møta, og samlingane vart
så velsigna gode og viktige for mange at det har
«sett spor» i forsamlingane rundt om i kommunen
og heile området utover øyane.
Etter at Betelskipet segla av garde, vart det mellom
dei som gjekk mest på møta, snakka om at ein
måtte prøve å få til samlingar som likna på møta
om bord i «Elieser». Dette for å ta vare glød og entusiasme
for misjonsarbeidet, men også for å halde
vedlike noko av den gode ånd, forkynning og song
som var på møta om bord. Så kan ein glede seg
ekstra mykje til neste gong «Elieser 6» kjem på
besøk.
Den første «Elieserkvelden» vart halden i Kvalsvika
i januar.Det var eit forrykande uvær
den kvelden, men ei fin og god samling der Harry
Andersen tala og song.
Moltustranda
Fredag 24 februar var det «Elieserkveld» igjen på
Moltustranda bedehus. Det store bedehuset var
koseleg med småbord og levande lys. Det var både
unge og eldre til stades, og om lag 70 personar
kom og fylte opp salen.
Arild Moltumyr ynskte velkomen med vers frå
Koloss.4,2-3 og leia samlinga med stø hand. Vi
fekk herleg evangelisk song av «Godt Bodskap»
18 Trygg Havn - nr. 04 - 2012
som mellom anna song: «Hele himmelen er åpen
over meg» og «Atter og atter jeg manes av Ånden»
pluss fleire barnesongar til ære for borna som var
møtt fram.
Harry Andersen fekk også bære fram nydelege
songar som: «Eg har møtt Jesus Krist, mannen frå
Gallile», «Et menneske er jeg, min vei kan bli tung,
og «Jag har en venn jag elskar meir enn andra»
Han song også fine barnesongar.
Buffet
Det var dekka med ståande buffèt, og det var eit
stort utval av dei finaste smørbrød, gode kaker, vafler
og sveler. Ingenting mangla, og det var heilt
i tråd med det som skjer om bord i «Elieser».
Damene frå Gjerdsvika og Moltu hadde verkeleg
gjort seg mykje føre med oppdekkinga. Den gode
angen av nytrekt kaffi og den summande lyden
av godprat la seg etter kvart som eit slør over den
store forsamlinga.
Etter matøkta heldt misjonssekretæren andakt
over teksten i 1.Pet. 2,1 -10: «Kom til Han, den
levande steinen, som nok vart vraka av menneske,
men er utvalt og dyrverdig for Gud». Han la
forsamlinga sterkt på hjartet at i dag er nådens dag.
I dag er Gud å finne. Den som ikkje har gjeve seg
over til Jesus må gjere det i kveld. Ikkje utsetje det
til seinare. Sætre understreka også kor viktig det
er å få bruke den nådetida vi har igjen til å drive
misjon og vinne sjeler for himlen. Han nemnde
også kor viktig reiskap «Elieser» er, for der kjem
det ofte om bord møteframande og folk som ikkje
har teke imot frelsa. Så kan dei få høyre seg frelst
om bord.
Både Harry Andersen og «Godt Bodskap» var
frampå og song igjen før ordet vart gjeve fritt.
Fleire var då oppe og vitna om kva dei hadde
opplevd med Jesus, eller trekte fram songar som
hadde betydd mykje for dei. Arild Moltumyr runda
av samlinga og takka alle som kom, og også
alle som hadde arbeidd med å få til denne fine
«Elieserkvelden».
Musikklaget «Godt Budskap».
Marit Seljehaug styrar på Sørheim
Så song vi fellessongen:»Jesus kjær,vær meg nær
Og livets vei mitt hjerte lær», før vi avslutta samlinga.
Det var i det heile ei samling som minte mykje
om dei vi har om bord i Betelskipet. I misjonsgåve
kom det inn rundt 4000,- kr.
Misjonen takkar alle venene i Kvalsvika, Gejrdsvika
og på Moltu for dei gode «Eliesersamlingane» dei
har laga til.
Litt av matbordet på Elieserkvelden.
Marit Seljehaug frå Averøya er tilsett i 20% stilling som styrar på Sørheim Leirsted, Averøy. Ho er tilsett frå
1.april. Det er tidlegare gjort vedtak i Landsstyret om å tilsetje styrar i 20% stilling. No har kretsstyret funne
rette kandidaten, og vedteke å tilsetje ho.
Trygg Havn - nr. 04 - 2012 19