I N F O R M A S J O N S M A G A S I N F R ... - Ulstein Group

6
Ulstein Elektro AS
- Kjekt å vere jente, berre
vi ikkje vert for mange
- Vi tenkjer ikkje på at vi er jenter på ein arbeidsplass med
nesten berre mannfolk. Vi har ein heilt naturleg omgangstone
med kollegane våre og trivst kjempegodt på jobb.
Det er montørane Hanne Notøy og Anne
Gyllensten som seier dette. Dei har 17 og
15 år bak seg ved Ulstein Elektro, og
hevdar at dei båe har planar om å halde
ut til pensjonsalderen kjem ein gong der
langt framme.
GODT YRKESVAL
- På ungdomsskulen fekk eg eit hefte om
ulike yrkesval. Kryssa ut dei som ikkje var
aktuelle og stod igjen kun med elektrikar.
Litt tilfeldig, trur eg, men eg har ikkje angra
på at eg tok til som ung lærling ved Ulstein
Elektro for 17 år sidan, seier Hanne som dei
siste åra også har vore bas for si gruppe.
- Eg var over 30 år då eg gjekk teknisk
skule og fekk jobb som hjelpearbeidar ved
Ulstein Elektro. Seinare vart det fagbrev og
montørjobb. Eg har heile tida vore fascinert
av dette yrket, seier Anne.
Av rundt 70 montørar som no er tilsette
ved Ulstein Elektro er det berre desse to
som er kvinner. Ei til som er lærling har for
tida permisjon. Innan mekaniske fag ved
Ulstein Verft er ikkje fordelinga på kjønna
mykje betre.
MJUKAR OPP
- Vi opplever ikkje nokon mannskultur med
grove ord og negative haldningar til damer.
Eg trur faktisk det mjukar opp kulturen med
jenter på arbeidplassen, meiner Anne.
- Vi vert handsama som dei vi er, om vi er
damer eller menn, meiner Hanne.
Reaksjonar på yrkesvalet møter dei derimot
meir av utanfor verftsområdet.
- Også i 2005 er mange menneske overraska
når eg fortel at eg arbeider som elektrikar,
ULSTEIN I DAG NR. 2/2005
og vi ser at det framleis er få unge
kvinner som vel ein slik utdanningsveg,
fortsett Hanne. Mange av dei som har
teke elektrofag ved vidaregåande skule
har teke andre yrkesvegar seinare.
TEAMARBEID
- Det er ikkje tyngre å vere elektrikar enn
sjukepleiar slik fl eire av venninnene mine
er. Vi er godt hjelpte med utstyr og arbeider
i team når det er tunge tak, seier ho.
Begge dei to ser gjerne at det kjem fl eire
jenter ved Ulstein Elektro og Ulstein Verft,
men ikkje for mange.
- Blir det for mange av oss vert det ”klikkar
og systuer”, og det vil vi ikkje ha, seier dei
to elektrikarane med trykk i stemma.
Hanne Notøy (t.v.) og Anne Gyllensten trivst
godt som montørar ved Ulstein Elektro.