Samenes Venn - Norges Samemisjon
Samenes Venn - Norges Samemisjon
Samenes Venn - Norges Samemisjon
Create successful ePaper yourself
Turn your PDF publications into a flip-book with our unique Google optimized e-Paper software.
4 • <strong>Samenes</strong> <strong>Venn</strong> 1‘13<br />
Rohkos<br />
Vuollegašvuohta ja áŋggirdeapmi Ipmila riika ovdi<br />
Čálli: Richard Skollevoll Ill.: Frode Kalleland Sámás: Rávdná Turi Henriksen<br />
Son muitalii sidjiide nuppi<br />
veardádusa ja celkkii:<br />
«Almmiriika lea olbmá láhkásaš<br />
gii lei gilván buriid nisuid beldosis.<br />
Ja buohkaid oađedettiin bođii su<br />
vašálaš ja gilvvii árvvohis rásiid<br />
nisuid gaskii ja manai eret. Go<br />
gortnit šaddagohte ja bidjagohte<br />
gihpuid, de ihte maiddái árvvohis<br />
rásit ge. Bálvaleaddjit manne dalle<br />
isideaset lusa ja jerre: Hearrá!<br />
It go lean gilván buriid nisuid<br />
beldosat? Gos bohtet árvvohis<br />
rásit? Son vástidii: Vašálaš lea<br />
dahkan dan. De bálvaleaddjit<br />
jerre sus: Dáhtut go ahte mii<br />
gaikut daid eret? Son vástidii: In<br />
dáhto, amadet gaikut nisuid bajás<br />
oktan árvvohis rásiiguin. Diktet<br />
goappašagaid šaddat bálddalagaid<br />
gitta láddjenáigái. Go láddjenáigi<br />
boahtá, de mun cealkkán<br />
ládjobargiide: Čohkkejehket<br />
vuos árvvohis rásiid ja čatnet<br />
gihppun boaldima várás, muhto<br />
čohkkejehket nisuid mu láhtui.»<br />
Gilvvačalmmiin mii ipmirdit<br />
dábálaččat Ipmila sáni, ja danin<br />
lea gilvvaolbmásotnabeaivi dakkár<br />
sotnabeaivi mas čalmmustahttit<br />
Biibbala. Sotnabeaivvi lea nama<br />
ožžon biibbalteavstta mielde<br />
Lukas evangeliuma 8.kapihtalis<br />
mii lea gilvvaolbmá birra. Boares<br />
teakstaráiddus lei dát teaksta<br />
biddjon guokte sotnabeaivvi ovdal<br />
gilvvaolbmásotnabeaivvi. Muhto<br />
otná teavsttas ii leat gilvvačalbmi<br />
Ipmila sátni, muhto dat buorre<br />
gilvvačalbmi lea «riika mánát», nu<br />
mo Jesus dan čilge midjiide Matteus<br />
evangeliumis 13, 34-43. Danin<br />
otná beaivvi teaksta lea eambbo<br />
«girkoteaksta», teaksta Ipmila<br />
searvegotti birra eatnama alde ja mo<br />
mii galgat eallit dan beaivái go Jesus<br />
fas boahtá ja loahpaha min eallima<br />
áigelogu.<br />
Matt. 13, 24 – 30 (Gilvvaolbmásotnabeaivi)<br />
Luther čilge dán oanehaččat ja bures<br />
girkoboastalis, ja teaksta leahkasta 1.<br />
Kor. 11,19:<br />
«Din gaskkas han juo fertejit<br />
dieđusge leat sierra joavkkut, vai<br />
juo lea čielggas geat din gaskkas<br />
leat luohttehahttit.» Muhto maid mii<br />
galgat dahkat buot vearri ja loika<br />
risttalaččaiguin min searvegottis?<br />
Ja searvegottiid njunnošat vástidit<br />
sániiguin maid mii dovdat apostaliin<br />
Jakob ja Johannes: «Hearrá, dáhtut<br />
go munno rávkat dola almmis<br />
vuolás loahpahit sin»? Muhto Jesus<br />
vástida sudnuide ja cuiggoda: «Doai<br />
eahppi dieđe makkár vuoiŋŋas doai<br />
leahppi vuolggahuvvon.» (Luk 9,54)<br />
Leago Jesus áigume bissehit min<br />
áŋggirdeami Ipmila riika ovdii? Ii<br />
leat, baicca min bargovuogi; mii lea<br />
lunddolaš, muhto oaččálaš ja boastut<br />
(loga. Rom 12,11; Apd 20,14).<br />
Galgat go mii gierdat vierrioahpu?<br />
Eat fal guđege láhkái. Muhto dás<br />
gáibiduvvo vuoiŋŋalaš viissisvuohta<br />
ja jierbmi, mii oaidná ášši áibbas<br />
eará geahčaldagain go min oaččálaš<br />
čalmmit.<br />
«Ale divtte váimmot leat áŋgirin<br />
suttolaččaid dihtii, muhto divtte dan<br />
leat alelassii áŋgirin Hearrá balu<br />
dihtii!» (Sátnel. 23,17)<br />
Dát lea midjiide hui mávssolaš<br />
biibbalvearsa, ja dása boares bisma<br />
Heuch bisána go čilge sáni.<br />
Mis galgá leat čielga earru suttu ja<br />
suttolačča gaskkas, eahpeoskku ja<br />
eahpeoskkolačča gaskkas. Dasgo<br />
ráhkisvuohta «ii illut vearrivuođa<br />
dihtii», muhto dat «gillá buot, osku<br />
buot, doaivu buot, gierdá buot.» (1<br />
Kor 13,6 jna.) Iežan bealis ferten<br />
dovddastit, ahte lea váttis dáidda<br />
dat maid Jesus dáhttu oahpahit<br />
midjiide odne. Dan sáhttá mottiin<br />
sániin čoahkkáigeassit: «njuoras<br />
árkkálmastinvuohta»; mii maiddái<br />
galgá leat din bivttas (Kol 3,12-<br />
15). Luther joatká ja čájeha ahte<br />
easka sárdnestuolus sáhttá fuomášit<br />
vearrioahpaheaddji, vaikko vel<br />
vearrioahpa sáhttá fuomášit árat!<br />
Girkohistorjjás mii gullat mo girku<br />
doarrádallojumit leat billistan<br />
bealddu. Nuppi bealis lea girku<br />
doarrádallan buktán eahpedearvvaš<br />
šattu. Buot girkobagadus ii geavat<br />
oaččálaš vearjjuid dahje olgguldas<br />
válddi (loga 2 Kor 2 ja 1 Kor 5). Mii<br />
olbmot leat dakkárat mat ráhkistit<br />
leat oaffarrollas, ja áinnas dadjat<br />
oktan Paulusiin: «Dan mii velá váilu<br />
Kristusa áŧestusain, mun ollášuhttán<br />
iežan rupmašis» (Kol 1,24). Muhto<br />
amma hal mii dan dahkat oaččálaš<br />
miellalágiin, ja ahte min vearri<br />
vuollegašvuođas baicca lea nu ahte:<br />
«dat adno dalle leat viissisvuohtan»,<br />
muhto «vearri vuollegašvuohta (…),<br />
ii das leat mihkkege gudniid, dat<br />
duhtada dušše oaččálaš himuid.»<br />
(Kol 2,23; loga v. 16-23)<br />
Dat árvvohis rásit maidda dás<br />
čujuha, ledje dakkár šattut main<br />
álgošaddu sulastahtii nisuid. Easka<br />
maŋŋil sáhtii oaidnit daid erohusa.<br />
Muhto dán guokte šattu ii galgga<br />
sirret dáppe eatnama alde. Muhto dat<br />
galget sirrejuvvot, ja dás lea<br />
duođalašvuohta. Árvvohis<br />
rásit galget hilgojuvvot ja<br />
bálkestuvvot dollii, muhto<br />
nisut galget «báitit dego<br />
beaivváš Áhčis riikkas.»<br />
Min nana jeđđehus lea dat<br />
ahte gilvvaolbmá gortnit,<br />
dat buorit olbmot, leat su<br />
ovddasvástádus. Dat maid<br />
son gilvá, dan son galgá<br />
maid láddjet. Ja son áigu<br />
ollašuhttut dan buori dagu<br />
maid lea álggahan min siste<br />
(Fil 1,6).