Create successful ePaper yourself
Turn your PDF publications into a flip-book with our unique Google optimized e-Paper software.
10<br />
NYHENDE Næravisa - onsdag 20. september 2006<br />
Gunhild håper nokon vil leie Dokfilm<br />
I dag går søknadsfristen for styreverv i Den Norske<br />
Dokumentarfilmfestivalen ut.<br />
HANNE LØVIK KIRKNES<br />
kirknes@hivolda.no<br />
Dokumentarfilmfestivalen manglar søkarar til fleire<br />
stillingar. Men det er heilt vanleg. Særleg leiarvervet er<br />
det liten søknad til. Informasjonsanvarleg Geir Holen<br />
forstår at nokon kan syns det er skummelt å ha hovudansvar<br />
for ein heil festival.<br />
– Eg tykkjer ikkje det er noko å vere redd for. Det er<br />
Leiar: Gunhild Gjølstad Skarstein meiner ledervervet ikkje er noko å vere redd for.<br />
Foto: Dokumentarfilmfestivalen i <strong>Volda</strong>)<br />
sjølvsagt mykje arbeid, men dei andre verva er òg<br />
veldig arbeidskrevande, seier avtroppande leiar,<br />
Gunhild Gjøstad Skarstein.<br />
Geir Holen meiner dei viktigaste eigenskapane er ståpåvilje<br />
og eit ønskje om å lage den beste dokumentarfilmfestivalen<br />
nokon gong. Før fristen gjekk ut mangla<br />
dei òg søkarar til andre verv.<br />
– Vi har nok kandidatar til å fylle eit heilt styre, men<br />
vi vil gjerne ha fleire å velje i, seier Holen.<br />
– Dekning er ikkje nok<br />
Heidi Myhre tek med seg eine sonen til Ørsta. For trass i god barnehagedekning fekk sønene hennar<br />
plass i to forskjellige barnehagar i <strong>Volda</strong>.<br />
EMBRIK RUDNINGEN<br />
rudninge@hivolda.no<br />
Trebarnsmora reagerte på eit oppslag<br />
i Næravisa førre veke som<br />
handla om den gode barnehagedekninga<br />
i <strong>Volda</strong> og Ørsta. Ho vil<br />
påpeike at god barnehagedekning<br />
ikkje nødvendigvis fører til like<br />
gode løysingar for alle. Heidi og<br />
mannen søkte om å få sønene på<br />
eitt og fire år inn i den same barnehagen.<br />
Etter opptaket vart ungane<br />
plassert i kvar sin, då kommunen<br />
ikkje klarte plassere dei i same. I<br />
tillegg har dei ein son i fyrste klasse<br />
på skulen.<br />
Løysing i Ørsta<br />
– Dermed er det ein kabal på tre<br />
som skal gå opp, og det ville vorte<br />
vanskeleg dersom eg skulle ha<br />
køyrt og henta på tre ulike stader<br />
kvar dag, fortel Heidi. Mannen er<br />
borte i jobb to veker i slengen og<br />
sjølv jobbar ho i barnehage i Ørsta.<br />
Det vart òg løysinga:<br />
– Eg har heldigvis ein snill sjef<br />
som let minstemann få plass i barnehagen<br />
eg jobbar i, fortel Heidi.<br />
Syskenrabatt<br />
Problemet med denne løysinga er<br />
at dei ikkje får syskenrabatt - noko<br />
dei ville ha fått dersom barna var i<br />
barnehagar i same kommune.<br />
– Det er snakk om nokre tusen i<br />
året, så me håpar verkeleg at dei<br />
kan gå i same barnehagen neste år,<br />
seier Heidi. Ho understrekar at ho<br />
er veldig nøgd med barnehagane i<br />
<strong>Volda</strong> og dei tilsette der. Det er barnehageopptaket<br />
ho er misnøgd<br />
med, men legg til at ho trur dei gjer<br />
så godt dei kan. I tillegg til at det<br />
blir ekstra henting og køyring ved<br />
fleire barnehagar peikar Heidi på at<br />
det blir ekstra møter, dugnadar og<br />
ting ein må forhalde seg til.<br />
Stappfullt<br />
Barnehagesjef i <strong>Volda</strong>, Reidun<br />
Klepp Nilsen, seier at dei så langt<br />
som råd prøver å plassere sysken i<br />
same barnehage dersom foreldra vil<br />
det.<br />
– Men er det ikkje plass, så er det<br />
ikkje plass, seier ho. Ho fortel at<br />
dette ikkje rammar så mange, og<br />
reknar med at dei syskena dette<br />
gjeld vil bli plassert saman neste år.<br />
LØYSING: Heidi Myhre tek med sonen Sigurd på eitt år til barnehagen ho jobbar for i Ørsta. (Foto: Embrik Rudningen)