Hagearkeologisk registrering. Rapport 72/2011 - Hordaland ...

FORORD
”Hagen på Stend” er eit prosjekt forankra i Hordaland fylkeskommune med eit tverrfagleg
samarbeid med instansar og einskildpersonar som har ekspertise på historiske hageanlegg.
Dette fordi hageprosjektet på Stend er eit prosjekt av nasjonal verdi, der det er viktig å
samhandla med ulike fagmiljø både nasjonalt og internasjonalt i tråd med retningslinene i
Firenze-charteret av 1982 med føringar som er vedteke av ICOMOS og IFLA.
Slik ønskjer vi å ha ein best mulig prosess for rehabiliteringsarbeidet for hagen på Stend.
Forprosjektet er definert med fire ulike tiltak, slik det går fram av innleiinga i rapporten som
bakgrunn for undersøkinga. Sjå side 4
I arbeidet med den hagearkeologiske undersøkinga, arbeida hagehistorikar, hagearkeolog og
fylket sine arkeologar saman. I oppstartmøtet var fleire faggrupper inne i drøftinga som ga
grunnlag for prioriteringa for det hagearkeologiske forprosjektet.
Arbeidet med Hagen på Stend har bakgrunn i eit politisk vedtak gjort av Fylkesutvalet,
Hordaland fylkeskommune den 27.10.10. Vedtaket omfattar reetablering av renessansehagen
ved Stend Hovudgard, og reetablering av allén frå sjøen til hovudhuset.
Resultata frå komponentane i forprosjektet vert presentert i eit tolkingsseminar den
24.04.2012, der den hagearkeologiske undersøkinga presentert her, vil vera ein del av
tolkingsgrunnlaget for det vidare arbeidet med hagen på Stend.
Ingebjørg E Astrup
Hordaland Fylkeskommune
08.03.2012