Klage på standpunktkarakter - Hordaland fylkeskommune

Erfaringar frå tidlegare år viser at ein del skolar vektlegg alle former for brot på
ordensreglement like alvorleg. Ein bør merke seg at FtO § 4-9 seier at
Ein skal ta omsyn til eleven sine føresetnader, og til vanleg ikkje leggje avgjerande vekt på
enkelthendingar. Hovudgrunnlaget for fastsetjing av standpunktkarakterar i orden og i åtferd skal vere
orden og åtferd hos eleven det siste halve skoleåret.
Rektor må difor i større grad gjere ei vurdering av kor alvorlege brota er ved fastsetjing av
standpunktkarakter. Skolen må synleggjere for elevane kva som blir teke med i grunnlaget
for ordenskarakteren og kva som blir lagt vekt på i grunnlaget for åtferdskarakteren.
Vurdering i faga skal ikkje inngå i vurderingsgrunnlaget for karakteren i orden og i åtferd.
I klagesaker som gjeld orden og åtferd er det særleg viktig at skolen kan dokumentere at
saksgang for fastsetjing av karakter er følgd.
I dokumentasjon frå skolen skal det leggjast ved følgjande:
• fråsegn frå rektor og kontaktlærar
• kopi av ordensreglement
• utskrift av møtebok/protokoll med kort grunngiving
• eventuell dokumentasjon på at eleven/føresette har fått varsel om at karakteren kunne bli
sett ned
• annan relevant korrespondanse
Fråsegn frå rektor og kontaktlærar
Det er rektor sitt ansvar å sjå til at skolen har klare rutinar for å dokumentere elevane sin
orden og åtferd.
Fylkeskommunen vil tilrå følgjande oppgåvefordeling mellom rektor og kontaktlærar:
Rektor
• gjer greie for saksbehandling og prosedyrar på skolen
• informerer om klagen er sett fram innan fristen
• informerer om når og korleis skolen har informert om klagerett
• informerer om tidspunkt for når skolen har sendt kopi av saksdokument til klagar
• informerer om tidlegare karakterar i orden/åtferd
• gir eit oversyn over tiltak som er sette i verk for å rette på forholda
Skolen må ha rutinar som sikrar at dokumentasjon om karakterfastsetjinga er tilgjengeleg.
Det skal nyttast eige skjema ved oversending av klage på standpunktkarakter i orden og i
åtferd. Dersom det blir klaga både på karakteren i orden og karakteren i åtferd, skal det
sendast inn to skjema.
Rettleiing for klage på standpunktkarakterar Side 10