Klage på standpunktkarakter - Hordaland fylkeskommune

Kontaktlærar
• gir utfyllande grunngiving for karakteren
- Det er viktig å svare på og kommentere det som eleven eller dei føresette peiker på i klaga.
Fråsegna skal vere konkret og gi informasjon om korleis eleven er vurdert i høve til
ordensreglementet. Det er ikkje tilstrekkjeleg å berre gi eit oversyn over eleven sine merknader
gjennom året utan å vurdere desse opp mot eleven sine føresetnader
• legg ved kopi av varsel om nedsett karakter
• gjer greie for korleis det er lagt til rette for god tilbakemelding, rettleiing og eleven si
eigenvurdering
• legg ved anna dokumentasjon frå skole/heim som kan ha innverknad på
klagebehandlinga
6. TIDSFAKTOREN I KLAGEBEHANDLINGA
Forskrifta set ein siste frist for fastsetjing av standpunktkarakterar jf. FtO § 4-6.
Standpunktkarakterar i fag med sentralt gitt eksamen skal fastsetjast seinast dagen før
fellessensurmøtet. Standpunktkarakterar i fag med lokalt gitt eksamen skal fastsetjast seinast dagen
før kunngjeringa om lokalt trekkfag. Endeleg karakter i orden og i åtferd skal fastsetjast etter at
undervisninga og annan skoleaktivitet er avslutta.
Det er opp til den enkelte skolen å eventuelt å setje ein tidlegare frist for fastsetjing av
fagkarakterar for å kunne ivareta eleven sin klagerett og karakterjustering for inntak til
høgare nivå i vidaregåande opplæring eller høgare utdanningsinstitusjon.
Klagefristen for standpunktkarakterar er 10 dagar frå offentleggjering. Karakterane er
offentleggjorde når dei er synleggjorte for elevane i SkoleArena. Dato vert fastsett av skolen.
Eleven/lærlingen har sjølv ansvar for å informera føresette om karakterane. Føresette til
umyndige elevar/lærlingar har rett til å få informasjon om karakterane ved å venda seg til
skolen. Skolen har ansvar for å informera føresette og elevar/lærlingar om denne ordninga.
Dersom ein elev er trekt ut til eksamen, men ikkje har fått vurdering i dette faget (IV), skal
eleven, dersom ho/han har klaga på dette, gjennomføre eksamen som normalt. Dersom
klagen ikkje vert tatt til følgje, vert eksamenskarakteren annullert.
Standpunktkarakter i orden og i åtferd skal fastsetjast etter at undervisninga og annan
skoleaktivitet er avslutta. Det er her viktig å merka seg at finn klageinstansen klagen
rettkomen, er det klageinstansen som set den nye karakteren. Denne kan det ikkje klagast
på.
Klage på standpunktkarakter må behandlast så raskt som råd. Skolane bør derfor sende inn
klagesakene fortløpande og ikkje vente til alle klagesakene kan sendast samla.
Rektor må sikre god framdrift i klagebehandlinga. Lærarane må kunne kontaktast i det
tidsrommet der det vil kunne vere behov for å grunngi og/eller gi fråsegn om
karakterfastsetjinga.
Rettleiing for klage på standpunktkarakterar Side 11