Bruk Bibelen: Bibelstudier (nn)

10
Egypt: «Auget – lyset – handa»
Når alle i bibelstudiegruppa får koma fram med oppdagingane
sine, får vi ei rik oppleving av teksta. Og når alle
fortel kva teksta inspirerer dei til å gjera, blir bodskapen
nær og utfordrande.
Biskop Pavly (48) i Den koptiske kyrkja i Egypt brukar ofte
metoden «Auget – lyset – handa» i sitt arbeid med bibelstudiar
mellom unge i Egypt. Metoden har tre steg:
- Med auget gjer vi observasjonar og prøver å oppdaga mest
mogleg av det som står i teksta.
- Med lyset prøver vi å finna bodskapen i teksta.
- Med handa spør vi oss kva teksta utfordrar og inspirerer
oss til å gjera.
Dei første spørsmåla skal få deltakarane til å lesa teksta
nøye. Sidan går spørsmåla djupare,til bodskapen i teksta
og kva teksta utfordrar oss til å gjera.
- Eg vil bruka meir tid saman med folk som andre ser ned
på,sa ein deltakar i eit bibelstudium som biskop Pavly
heldt i Noreg,ut frå Matteus 9,9–11.
Slik gjer de det:
Leiaren førebur spørsmål ut frå dei tre punkta «auget –
lyset – handa». Nedanfor finn de nokre døme på slike
spørsmål. Leiaren skal ikkje svara på spørsmåla sjølv,men
gje deltakarane god tid til å svara.