Bruk Bibelen: Bibelstudier (nn)

12
Cuba: Bibelgruppe med éin bibel
Kva gjer de når det berre finst éin bibel i bibelgruppa? Då
må de dela på den eine Bibelen de har – og skriva dykkar
eigen kopi av eit vers i teksta.
Sonia Domecq (55) arbeider i metodistkyrkja i byen
Santiago aust på Cuba. Forsamlinga har omkring tretti
bibelstudiegrupper, og Sonia er leiar for to av dei.
- Det er ikkje nok biblar til alle som går i bibelgruppene,
fortel ho.
- Vi har ikkje fått tak i nye biblar på lenge.
Fordi deltakarane ikkje har kvar sin bibel, er det viktig at
teksta blir lesen høgt,slik at alle kan lytta til henne. Så kan
dei stilla spørsmål og snakka saman om teksta dei har
høyrt.
Deretter blir Bibelen send rundt i gruppa,så folk kan slå
opp og lesa sjølve. Til slutt er det mange som vil låna
Bibelen til Sonia.
- Folk vil skriva av bibelvers vi har snakka om i bibelgruppa,
seier ho.
Mange i verda har ikkje sin egen bibel. På Cuba er det stor
mangel på biblar, og for mange kristne er det høgste ønsket
å få sin eigen. Likevel samlast dei for å studera Bibelen i lag.
Metoden nedanfor er laga ut frå korleis bibellesarar på
Cuba sjølve fortel at dei brukar Bibelen.
Metoden passar godt for lengre tekster frå evangelia.
Deltakarane treng papir og skrivesaker.