Bruk Bibelen: Bibelstudier (nn)

Noreg: Bibelgruppe med
Jesus-meditasjon
Eit døme: Jesus som tolvåring i tempelet (Lukas 2,41–52)
Jesus har vore med foreldra sine til påskefeiringa i
Jerusalem. Då det store reisefølgjet med slektningar, vener
og grannar gjev seg på vegen heimover, blir Jesus att i tempelet.
Her er han oppteken med å lytta og stilla spørsmål til
dei som underviser. Alle er forundra over kor klok han er.
Prøv å falla til ro før innlevinga. Les først gjennom teksta
ein gong. Lat att auga medan leiaren les innlevinga, éi
setning om gongen.
Innleving
Tenk deg at du er til stades i tempelet i Jerusalem. Sjå føre
deg ein plass der du er. Prøv å førestella deg atmosfæren på
staden. Kva lydar og lukter er det der? Sjå føre deg dei
skriftlærde. Tenk deg Jesus som tolv år gammal gut. Sjå
korleis han er med i samtala når dei lærde drøfter Guds ord.
Han både lyttar og han stiller spørsmål. Merk deg kor ivrig
han er etter å skjøna og setja seg inn i kva Gud, Far hans i
himmelen, har tala om gjennom skriftene i Det gamle
testamentet.
Kva er dei første tankane og kjenslene dine?
Til samtale
Vilje til å lytta Det står om Jesus at han lytta til samtala.
Å lytta inneber eit ønske om og ein vilje til å skjøna. Kva
16