Unidade didáctica

É. O VERBO
Unidade didáctica 4
w Introdución
Planificación da unidade
Introdución
A presente unidade didáctica atende aos elementos básicos do currículo explicitados
no D.C.B. de Lingua e Literatura con especial vinculación aos bloques de contidos Funcionamento
da lingua e Educación literaria e sendo os destinatarios os alumnos de 3.º e 4.º curso de ESO.
A pesar de que a unidade está fundamentalmente conexionada cos bloques de contidos
Funcionamento da lingua e Educación literaria contémplanse tamén ao longo de toda ela
todos os demais bloques da área de Lingua e Literatura.
Metodoloxicamente e dentro dos principios de activa e participativa, optamos por
unha técnica mixta entre o método indutivo e o método por descubrimento con que pretendemos
priorizar a metodoloxía procedemental.
A unidade consta de cinco apartados: un inicial onde se indican os obxectivos e contidos;
outro de actividades, que conteñen o mapa conceptual, e que comezan pola visualización
do vídeo É. O verbo; un terceiro que contén as indicación de criterios e instrumentos de avaliación;
a seguir van indicados os materiais e recursos didácticos e finalmente unha breve bibliografía.
Como apéndice figura un soporte conceptual que segue a orde do guión do vídeo, pensado
para consultas puntuais, así como os paradigmas verbais. No soporte conceptual incluímos
breves desenvolvementos que non aparecen na súa totalidade no vídeo (indicación de todos os
morfemas modo-temporais e número-persoais) e que consideramos necesarios para contar cunha
relación completa. Tanto no guión do vídeo como no soporte conceptual faise un estudo sistemático
do verbo adecuado ao nivel do currículo a que vai dirixido, tocando todos os aspectos
fundamentais, salvo as formas perifrásticas. O uso dos morfemas número-persoais do Infinitivo
e o emprego do Futuro do Subxuntivo van exclusivamente tratados nas actividades da unidade
didáctica.
As actividades, como fica indicado, van reforzadas polo mapa conceptual que serve
de globalización dos contidos, e que debidamente ampliado, pode permanecer exposto na aula
mentres se desenvolve a unidade.
A visualización do vídeo É. O verbo, ten como fin introducir os alumnos e alumnas
nos contidos conceptuais e provocar o seu interese para o traballo posterior de aula. Con todo,
está estruturado de forma que nos permite unha visualización parcial antes de iniciar un determinado
grupo de actividades se isto se considerar necesario.
Voltar