Unidade didáctica

É. O VERBO
Unidade didáctica 46
w Apéndice
A. Soporte conceptual
Concepto semántico do verbo
O verbo é o elemento fundamental e imprescindíbel na maioría dos enunciados. Non
só pode ser un elemento suficiente á hora de transmitir unha mensaxe, senón que tamén nos
pode permitir prescindir doutros elementos, como o propio suxeito, por virnos indicado polos seus
morfemas de número-persoa:
(Hoxe eu) comerei (chícharos e patacas novas)
A definición tradicional do verbo distingue entre aqueles que os lexemas indican accións,
estados e fenómenos, aínda que covén precisar que todos os verbos indican accións, tanto
se o seu suxeito é axente, paciente ou non teñen suxeito.
Eu canto (suxeito axente)
Eu adormecín (suxeito paciente)
Amañeceu ás seis (non suxeito)
Con todo, hai outras clases de palabras que poden indicar acción, fundamentalmente
os substantivos derivados de verbos. A diferenza de significado vén dada polo carácter dinámico
—narrativo— do verbo frente ao carácter estático —descritivo— do substantivo:
As palabras baixan polo edificio
A baixada foi en trinta e dous segundos
Así, mentres baixan indica a acción propiamente dita, baixada describe a idea de baixar.
Elementos constitutivos do verbo
Ao analizar formalmente un verbo vemos que o podemos segmentar en lexema, vogal
temática (VT), morfema modo-temporal (M-T) e morfema número-persoal (N-P).
reivindic a re mos
Lexema VT M-T N-P
Voltar
Apéndice