CLUBE DE LECTORES - Biblos

More documents

Recommendations

Info

Berros de dor ou cantares de amor Uxía Senlle Emilio Rúa ten nos ollos e na voz a profundidade das terras de Ourense, de Vendas da Barreira, onde naceu e onde vive. Lonxe do mundanal ruído, alí foi quen de construír unha personalidade musical propia. Guitarra e harmónica arroupan a súa voz aguda, ás veces rasgada para expresar sentimentos moi nosos e, ao mesmo tempo, universais. Berros de dor ou cantares de amor, referencias constantes á vida na aldea ou ás iconas da nosa música tradicional («Que maxia ten a gaita que soa na ribeira da distancia»), a fraxilidade de quen ama e sufre, a grandeza dos homes e mulleres que loitan en favor da paz, das vítimas dun sistema inxusto. A vida nunca debería arrebatarnos o que temos de puros, de inocentes. Emilio pode transportarnos a ese mundo onde o amor e a beleza do cotiá son aliados para ser máis felices. Como di o seu paisano Xosé Carlos Caneiro no texto que acompaña ao cd: «Cando canta Emilio parece que a lúa pon trenzas. É un artista, un inspirado, un bohemio que vai coa súa guitarra prendida na boca: os versos colgados dos ollos. Fai música que adormece, exalta, emociona, vulnera. Digo que é un inspirado porque só as musas son capaces de elaborar o canto que permanece. Nestes malos tempos, cibernéticos e incomunicados, á música de Emilio é celestina: aproxima, une, desata». O mundo rural que describe aparece vestido de nostalxia: «Morrerán nas aldeas as estrelas desta noite eterna», «Miña galega, estás soa na aldea»; pero tamén de esperanza: «Aínda queda vida na aldea». Pero o que eu salientaría é a forza expresiva, rotunda e profunda das súas composicións: pop elegante, baladas intensas ou versións moi atinadas de cancións tan populares como «A Saia da Carolina» ou «A Rianxeira» que recobran na súa voz nova vida e unha lectura radicalmente diferente ás habituais e recorrentes revisións destas pezas tan emblemáticas do noso folclore. Canta na súa lingua materna, coa que mellor exterioriza o que sente e faino cun orgullo que o diferencia dos autores novos galegos da súa xeración. Os arranxos, partindo das harmonías que o propio Emilio creou tentan realzar as cancións, sen desvirtualas, sen que perdan a esencia e a autenticidade que as caracterizan. Trátase dun traballo imaxinativo e elegante contando co talento dos músicos invitados neste disco. Guitarra, batería e percusión, contrabaixo, acordeón, piano, corda e metais. Paco Charlín (contrabaixo) é, sen dúbida, un dos mellores contrabaixistas do país que acompaña a grandes figuras do jazz ibérico: Bernardo Sassetti, Perico Sambeat, Abe Rábade. Leandro Deltell, batería de longo percorrido que acompañou a Budiño e Mercedes Peón. Paulo Borges, pianista e acordeonista nacido nas illas Azores aporta tamén a súa virtuosa interpretación. Todos e cada un axudando a construír un resultado único, verquendo toda a súa enerxía nunha obra que, estou segura, será un punto e aparte na música galega, que hai tempo que non se aproximaba ao pop cantado en galego con tanto talento na composición e na interpretación. Dreamland Nanas de diferentes partes do mundo. Angelique Kidjo & Santana, Lynn Morrison, The Sanshin Café Orchestra, Teresa Doyle, Claudia Martinez, Zulya... Referencia: PUTU212 Sing along with putumayo Cancións de blues e folk para cativos con Arlo Guthrie, Rhonda Vincent, Tim O’Brien, Rufus Thomas, Keb’ Mo’, Taj Mahal e Rosie Flores entre outros músicos. Referencia: PUTU222 Jazz African playground Cancións interpretadas por artistas africanos famosos como Angelique Kidjo, Mose Fan Fan, Baba Ken Okulolo, Aura Msimang, Takira Sammy, etcétera. Referencia: PUTU207 KIKO AGUADO Maíz tostado Galego de nacemento e granadino de adopción, Kiko Aguado leva anos acumulando méritos para ser considerado uhna das figuras máis destacadas do jazz en España. Hoxe compaxina a tarefa como director da Big Band de Granada coa súa propia carreira discográfica. Ademais da súa depurada técnica como guitarrista, sobresae tamén como compositor e arranxista, tal e como se prode comprobar nos once cortes deste Maíz tostado. Referencia: AMB05002-02 12,10 € BALDO MARTÍNEZ GRUPO Tusitala Tusitala, palabra que quere dicir «o narrador de historias» na lingua da illa de Samoa, encerra sete temas, nos que o contrabaixista e compositor ferrolán Baldo Martínez está acompañado pola súa banda habitual, formada por Antonio Bravo (guitarra), David Herrington (trompeta), Pedro López (batería e percusión) e Eduardo Ortega (violín). Todos eles definen este novo traballo como un conto, unha historia que abre as portas a un novo mundo... Karonte Referencia: KAR-7785 17 € Latin playground A riqueza e a beleza da música e a cultura de Latinoamérica. Participan, entre outros, Amara Portuondo, Lila Downs, Flaco Jiménez e Nazare Pereira. Referencia: PUTU201 KIKO AGUADO E CELIA MUR Coloreados Ela é unha das mellores vocalistas españolas de jazz, que neste traballo está acompañada do reputado guitarrista Kiko Aguado. Di a crítica que este é un disco «feiticeiro que baila ao ritmo do cristalino jazz e polo que desfilan composicións propias do dúo e versións dos Beatles de inagardado acento brasileiro». Referencia: AMB05016-02 12,10 € ALBERTO CONDE/BALDO MARTÍNEZ/NIRANKAR KHALSA Entremares Alberto Conde é venezolano de nacemento pero galego ata a medula e iso recoñécese neste disco, que é Galicia, é jazz e é música rotunda e sen paliativos. Da achega á cultura tradicional galega falan sobradamente os títulos de traballos incluídos neste CD como Rianxeira, Negra Sombra, Troula de Campañó ou Muiñeira de Combarro. Karonte KAR-7777 18 € World playground Touré Kunda (Senegal), Manu Chao (Francia), Glykeria (Grecia), Ricardo Lemvo (Congo), Nazaré Pereira (Brasil), Cedella Marley (Jamaica/USA), entre outros. Referencia: PUTU154 ÁBE RÁBADE TRÍO Playing on light. 7 sounding photos A estética xeral deste novo disco evoca patróns da escola jazzística norteamericana, aínda que modificados baixo o prisma persoal do trío e con non poucas filtracións de sangue folclórico. Mantén unha relación directa coa fotografía e o propio Ábade di del que é un «traballo descritivo» onde parte das sensacións que lle producen sete das súas fotografías preferidas, que representan os sete conceptos que inspiran os títulos do disco: sensualidade, introspección, abatemento, desamparo, violencia, protección e luminosidade. Karonte Referencia: KAR-7792 18,50 € BALDO MARTÍNEZ CUARTETO ACÚSTICO Zona acústica I Un repertorio orixinal na súa meirande parte, que pode recordar tanto a algúns proxectos nórdicos do contrabaixista Arild Andersen, como a un dos discos máis personais do trompetista Dave Douglas –Charms of the night sky–, e incluso a algún dos proxectos acústicos de Louis Sclavis, todo cribado pola estética e a linguaxe jazzística de Baldo Martínez, onde a improvisación é a base de toda a súa música, desde a tradicional á clásica, desde o Cool ao Jazz de vangarda. Boa ZX-0403 16 € World playground 2 Segunda parte dun dos CD máis didácticos desta colección. Miriam Makeba, Toots & The Maytals, La Sonora Dinamita e Baka Beyond son algúns dos seus artistas. Inclúe textos explicativos en castelán. Referencia: PUTU193 Música 31
Cinama 32 ENVÍos a PaRTIR Do Gerardo Herrero 27 DE sETEMBRo Os aires difíciles Juan Olmedo sobreviviu a un naufraxio do que só puido rescatar á súa sobriña e a o seu irmán, deficiente mental. Atrás deixou un pasado noutra cidade, dramático e caprichoso como os ventos que azoutan a costa atlántica gaditana, que elixíu para fuxir dos seus recordos. Coa inagardada colaboración de Maribel, a asistenta, e de Sara, unha estraña recén chegada coma el, enfrontarase aos recordos que o perseguen: un amor segredo e imposible coa súa cuñada e o misterio da morte do seu irmán máis querido e odiado ao mesmo tempo, Damián. Intérpretes: José Luis García Pérez, Cuca Escribano e Carme Elías. Drama de 120 minutos de duración. Referencia: 0333 Audio en galego e castelán. Subtítulos en inglés 17,95 € Gerardo Herrero Heroína Anos 80. Pilar, unha muller duns corenta anos, de clase media, casada e con tres fillos, pasa de levar unha vida absolutamente normal a ter que enfrontarse ao maior problema da súa vida: un dos seus fillos é adicto á heroína. Película producida no 2005, baixo a dirección de Gerardo Herrero, con guión de Ángeles González-Sinde. Interpretada por Javier Pereira e Adriana Ozores nos principais papeis. Extras: Ni locas ni terroristas, making of, entrevistas, audiocomentario de Gerardo Herrero e Carmen Avendaño, ficha artística e técnica, tráilers e filmografías. Duración: 103 min. Referencia: 0239 Audio en galego e castelán. Subtítulos en inglés 19,50 € Patricia Ferreira Para que non me esquezas Irene vive co seu fillo David, un xove estudante, e co seu pai, un ancián vitalista a pesar de ter perdido casa e familia na Guerra Civil. David está apaixonadamente namorado de Clara e cando decide marchar a vivir con ela atópase coa oposición da súa nai. Drama producido no 2004 de gran sensibilidade e mellor factura. Dirixido por Patricia Ferreira, con guión de Virginia Yagüe. Fernando Fernán Gómez, Roger Coma, Emma Vilarasau e Marta Etura nos principais papeis. Extras: tráiler, making of, entrevista coa directora e o equipo artístico; ficha artística, ficha técnica e filmografía destacadas. Duración: 100 min. Referencia: 0204 Audio en galego e castelán. Subtítulos en inglés 19,50 € Manuel Gutiérrez Aragón A vida que che agarda NRM 13 aNos NRM 13 aNos NRM 13 aNos Unha vaca leiteira é a causa dunha disputa entre dous veciños que remata coa morte de Severo en mans de Gildo. Ao enterro acode Rai, fillo da vítima, que axiña se sente atraído pola filla de Gildo. Ambos mozos queren saber máis sobre canto aconteceu o día da rifa e aos poucos a súa relación vai acabar por converterse nun verdadeiro amor, que ameaza a todos. Drama producido en 2004 e dirixido por Manuel Gutiérrez Aragón. O guión é de Ángeles González-Sinde e o propio Gutiérrez Aragón. Interpretada por Juan Diego, Luis Tosar, Marta Etura e Clara Lago. Duración: 105 min. Referencia: 0075 Audio en galego e castelán. Subtítulos en alemán e inglés 19,50 € O lapis do carpinteiro Película dirixida por Antón Reixa, baseada na novela de Manuel Rivas. Galicia, 1936; Daniel Da Barca e Marisa Mallo viven o seu amor en tempos de loita. El sobrevive á cadea grazas á forza da imaxinación e a palabra; desde fóra, ela loita por devolverlle a liberdade perdida. No medio de ambos e escrutando os seus pasos, Herbal o home que vixía a Daniel e que agacha algo que é máis que un segredo, unha obsesión. Sogepaq Audio en galego e castelán Subtítulos en inglés e castelán Referencia: 05-0035-134 8 € Cd coa banda sonora da película Referencia: JMB2062 14 € A lingua das bolboretas Película dirixida por José Luis Cuerda, con guión de Rafael Azcona. Moncho, un neno de oito anos con problemas de asma, incorpórase por primeira vez á escola. Sentíu que os mestres pegan e o primeiro día de clase foxe cheo de medo. O mestre Don Gregorio, papel interpretado por Fernando Fernán Gómez, vai exercer sobre el e os seus compañeiros unha gran influencia. A tranquilidade verase trucanda en xullo de 1936. Comeza a Guerra Civil en España. Sogepaq Audio en galego e castelán Subtítulos en inglés e castelán Referencia: 05-0040-134 8 € Cd coa banda sonora da película Referencia: JMB2011 14 € aVIso Malia levar as capas en castelán, os DVD teñen o audio en galego ademais de noutras linguas
Page 1 and 2: SETEMBRO-OUTUBRO 2006 Revista GaleG
Page 3 and 4: INMA LÓPEZ SILVA Non quero ser Dor
Page 5 and 6: Novela Negra DOMINGO VILLAR Ollos d
Page 7 and 8: A obra, editada por Biblos, será p
Page 9 and 10: Infantil e Xuvenil 12 +4 +3 RAFAEL
Page 11 and 12: Poesía 16 Propostas poéticas para
Page 13 and 14: Xosé Mexuto A nación galega exist
Page 15 and 16: Matilde de Cal Cortina e José Manu
Page 17 and 18: Entre a supervivencia e a arte Xavi
Page 19 and 20: Gonzalo navaza (LaLín, 1957) é do
Page 21 and 22: Portugués 28 Pedro Almeida Vieira
Page 23: 30 por pontevedra O selO OuvirmOs v

CLUBE DE LECTORES - Biblos

Create successful ePaper yourself

Delete template?

Save as template?