na mesa con Cunqueiro - Consello da Cultura Galega

argumentos con referencias a este, a aquel ou aqueloutro
produto, preparación ou receita que non é máis
que froito da imaxinación do mindoniense, din, pero
miren que por moito que insisto nunca consigo que
me dean a referencia exacta de onde se atopa a tal
receita, preparación ou produto para contrastar eu
que teñen razón nas súas afirmacións. Así que despois
paso horas remexendo nos libros do mestre don Álvaro,
esculcando na busca dunha referencia que nunca
aparece e déixame amolado non dar con ela para poder,
por fin, confirmar a teoría que tantas voltas leva
dado ao noso mundo. O tempo que grazas a eles gaño
volvendo ler unha e outra vez os textos de Cunqueiro
éme moi grato, pois sempre recorda un aquela pasaxe
que tiña esquecida, que a memoria nunca foi o meu
forte, e parece coma se o lese por primeira vez e volvo
gozalo como gozaría un o primeiro bico se o puidese
repetir constantemente.
Se algo hai de certo e realista na narrativa de
Cunqueiro son as súas referencias culinarias e gastronómicas.
Poucas, moi poucas veces, tira Cunqueiro
da imaxinación para falar dun prato ou dun
produto. Non era preciso, a realidade culinaria galega
que el viviu era tan rica que non facía falta
recorrer á imaxinación.
7